जळगाव प्रतिनिधीI जिल्हा एकता संघटनेने यावल पोलिस स्टेशन येथे तसेच जिल्हाधिकारी, पोलिस अधीक्षक व मानवी हक्क आयोग यांना निवेदन देत दोन गंभीर घटनांबाबत तातडीने कारवाई करण्याची मागणी केली.
इमरान पटेल हत्या प्रकरण
यावल तालुक्यात दहीगाव येथे घडलेल्या हत्या प्रकरणात सुरुवातीला किरकोळ वाद सांगण्यात आला. परंतु प्रत्यक्षात हा मुस्लिम समाजातील युवकावरील लक्षित हल्ला असल्याचा संशय आहे. त्यामुळे या प्रकरणाची चौकशी मा. सर्वोच्च न्यायालयाच्या तहेसिन पूनावाला विरुद्ध युनियन ऑफ इंडिया या १७ जुलै १८ निर्णयातील दिशानिर्देशांनुसार केली जावी अशी ठाम मागणी संघटनेने केली.
पाच वर्षीय अल्पवयीन मुलावर अमानुष अत्याचार व हत्या
या घटनेत निरपराध बालकावर लैंगिक अत्याचार करून त्याचा गळा दाबून खून करण्यात आला आणि पुरावे नष्ट करण्याचा प्रयत्न करण्यात आला. आरोपींनी गुन्हा लपवण्यासाठी कट रचल्याचे स्पष्ट असून, सी सी टी वी फुटेजमधून पुरावे समोर आले आहेत. तरीही पोलीस प्रशासनाकडून योग्य ती तातडीची कारवाई झालेली नाही, हे धक्कादायक आहे.
एकता संघटने चे समन्वयक फारुक शेख यांनी इशारा दिला की, “जर दोन्ही प्रकरणात निष्पक्ष व कठोर कारवाई झाली नाही तर संघटना रस्त्यावर उतरून तीव्र आंदोलन छेडेल.”
एकता संघटनेच्या प्रमुख मागण्या
१) दोन्ही प्रकरणांची निष्पक्ष व जलद चौकशी करण्यात यावी.
२) पीडित कुटुंबांना बी एन एस एस कलम ३९६ व्हिक्टिम कॉम्पेन्सेशन स्कीम 396 अंतर्गत तातडीने आर्थिक मदत द्यावी.
३) खटले फास्ट-ट्रॅक कोर्टात सहा महिन्यांत निकाली काढावेत.
४) गुन्हेगारांना कठोर शिक्षा देऊन समाजात आदर्श निर्माण करावा.
लहान बालकाचे आजोबा यासीन खान व इम्रान पटेल चे वडील युनूस पटेल या दोघा फिर्यादींचे पुरवणी जबाब देण्यात आले. त्याच सोबत एकता संघटने तर्फे सुप्रीम कोर्टाचे सायटेशन, पेनड्राईव , गोपनीय पत्रे व दिली असून त्यात त्यांनी नमूद केलेल्या आरोपींचा सहभाग सुद्धा पुराव्यांशी केला असल्याने त्याबाबत त्वरित कारवाई करण्याचे आश्वासन पोलीस निरीक्षक धारबळे यांनी शिष्टमंडळाला दिले.
फारुक शेख, हाफिज रहीम पटेल, अन्वर शिकलगर, अनिस शाह, ॲड आवेश शेख, दहीगाव चे युनूस पटेल, यावल चे यासीन खान, जफर शेख, करीम मेंबर, सह दहीगाव व यावल चे पुष्कळ लोक हजर होते.
