चैतन्य तांडा ग्रामपंचायतीला ISO 9001:2015 मानांकन
चाळीसगाव प्रतिनिधी तालुक्यातील चैतन्य तांडा ग्रामपंचायतीने गुणवत्ता, पारदर्शकता व सुशासन या तत्त्वांवर आधारित उत्कृष्ट कामगिरीच्या जोरावर ISO 9001:2015 या आंतरराष्ट्रीय दर्जा प्रमाणपत्राची यशस्वीपणे प्राप्ती केली आहे.
या मानांकनाचा प्रमाणपत्र आकळडे साहेब, उपकार्यकारी अधिकारी, ग्रामपंचायत विभाग, जिल्हा परिषद यांच्या हस्ते ग्रामपंचायतीत आयोजित समारंभात प्रदान करण्यात आला.प्रमाणपत्र स्वीकारताना ग्रामसेवक निलेश देवरे व कैलास जाधव उपस्थित होते. ग्रामपंचायत प्रशासनाने केलेल्या परिणामकारक अंमलबजावणी, कागदपत्र व्यवस्थापन, सेवा वितरणातील पारदर्शकता आणि नागरिकाभिमुख उपक्रमांची प्रशंसा करत आकलाडे साहेबांनी ग्रामपंचायतीचे अभिनंदन केले.
ISO मानांकनामुळे ग्रामपंचायत कामकाज आणखी दर्जेदार, नियोजनबद्ध व लोकाभिमुख होईल, असा विश्वास ग्रामसेवक निलेश देवरे यांनी व्यक्त केला.
चैतन्य तांडा ग्रामपंचायतीच्या या यशामुळे संपूर्ण तालुक्यात अभिमान व्यक्त केला जात आहे.
