महा पोलीस न्यूज । दि.१४ सप्टेंबर २०२५ । जळगाव ग्रामीण शिवसेना उद्धव बाळासाहेब ठाकरे गट तालुक्याच्या वतीने आज ‘माझ कुंकू माझा देश’ हे राज्यव्यापी आंदोलन यशस्वीपणे पार पडले. या आंदोलनात महिलांनी भारत-पाकिस्तान क्रिकेट मॅचचा जाहीर निषेध नोंदवला. देशाच्या सीमेवर पाकिस्तानच्या अतिक्रमण आणि दहशतवादाच्या पार्श्वभूमीवर हे आंदोलन करण्यात आले असून, महिलांनी कट्टर भूमिका घेतली.
या निषेध आंदोलनात मिनाबाई सोनार, राणी पाटील, राधा थोरात, कल्पना रामटेके, सविता लोहार, छाया कोळी, कल्पना पाटील, शारदा जाधव, सुनंदा पाटील, निर्मला जैस्वाल, सुनिता सुशिर, रेखा जाधव, सुनिता यादव, मिना जाधव, शोभा गोडबोले, प्रतिभा पाटील, लताबाई जगताप, उज्वला कौळी, ललिता चव्हाण, लता सोनार, प्रमिला पाटील, कविता पाटील, जयश्री तायडे, कल्पना लोहारे यासह असंख्य महिला पदाधिकारी उपस्थित होत्या. या आंदोलनाने महिलांच्या देशभक्तीचा आणि शिवसेनेच्या संघटनात्मक शक्तीचा प्रत्यय आला.
हे आंदोलन राज्यभरात राबवण्यात येत असून, जळगाव ग्रामीणमध्येही मोठ्या संख्येने महिलांनी भाग घेतला. शिवसेना उद्धव गटाने या माध्यमातून पाकिस्तानविरोधी भूमिकेचा पुनरुच्चार केला आहे.
