जळगाव प्रतिनिधी : – जळगाव शहरातून दुचाकी चोरून नेणाऱ्या चोरट्याला एमआयडीसी पोलिसांनी पकडले असून त्याच्याकडून चोरीची दुचाकी हस्तगत करण्यात आली आहे. विजय श्रीराम बारेला (वय २४, रा. धुरकूट, जि. खरगोन) असे या दुचाकी चोरांचे नाव आहे.
शहरातील देविदास कॉलनीत राहणारे भिकन दामू बोरसे यांची दुचाकी दि. १० डिसेंबर रोजी चोरी झाल्या रकरणी एमआयडीसी पोलिस ठाण्यात गुन्हा दाखल होता. याचा तपास करीत असताना ही दुचाकी विजय बारेला याने चोरी केल्याची माहिती पोलिस निरीक्षक संदीप पाटील यांना मिळाली, त्यांनी कारवाईच्या सूचना दिल्यानुसार पोउनि राहुल तायडे, चंद्रकांत धनके, पोहेकों गणेश शिरसाळे, पोलिस नाईक विकास सातदिवे, किशोर पाटील, योगेश बारी यांनी बारेला याला अटक केले. त्याने चोरीची कबुली दिली असून त्याच्याकडून दुचाकी हस्तगत करण्यात आली.
विशेष म्हणजे अटक केलेल्या विजय बारेला याच्यावर चोपडा शहर, अडावद, जळगाव तालुका, धरणगाव पोलिस ठाण्यात दुचाकी चोरीचे १० गुन्हे दाखल आहेत.
