जळगावात ‘हाऊस ऑफ ज्वेल्स बाय बाफना’चे भव्य उद्घाटन सोमवारी

महा पोलीस न्यूज । चेतन वाणी । जळगाव शहरातील रिंग रोडवरील ‘हाऊस ऑफ ज्वेल्स बाय बाफना’ आता अधिक भव्य स्वरूपात ग्राहकांच्या सेवेत येत आहे. सोमवार, २२ सप्टेंबर रोजी नवरात्रोत्सवाच्या पहिल्या दिवशी, घटस्थापनेच्या शुभ मुहूर्तावर या नव्या शोरूमचे उद्घाटन होणार आहे. या सोहळ्यासाठी राजकारण आणि सामाजिक क्षेत्रातील अनेक मान्यवर उपस्थित राहणार आहेत.

गेल्या चार वर्षांपासून चांदीचे दागिने, पूजेचे साहित्य आणि कलाकृतींसाठी प्रसिद्ध असलेल्या बाफना परिवाराने ग्राहकांच्या मागणीला प्रतिसाद देत सोन्याचे दागिने आणि हिर्‍यांची विस्तृत श्रेणी सादर करण्याचा निर्णय घेतला आहे. यासाठी त्यांनी आपले जुने शोरूम (गंगाई बिल्डिंग, रिंग रोड) सोडून, त्याच परिसरात पंचरत्न टॉवर, जेडीसीसी बँकेसमोर, रिंग रोड येथे नवे आणि प्रशस्त शोरूम सुरू केले आहे. २२ सप्टेंबर ते २ ऑक्टोबर (विजयादशमी) या कालावधीत ‘विशेष उद्घाटन महोत्सव’ आयोजित करण्यात आला आहे.

या सोहळ्यासाठी माजी मंत्री सुरेशदादा जैन, माजी खा. ईश्वरलाल जैन, उद्योजक अशोक जैन व ज्योती जैन, नयनताराजी बाफना, खा. स्मिताताई वाघ, पद्मश्री ॲड. खा. उज्ज्वल निकम, जलसंपदा मंत्री गिरीश महाजन, आ. राजूमामा भोळे, भागवत दादा भंगाळे, भरत अमळकर, गोसेवक अजय ललवाणी, ॲड. नारायण लाठी आदी मान्यवर उपस्थित राहणार आहेत.

या महोत्सवात सोने, चांदी, हिरे, पोल्की, जडाऊ, प्लॅटिनम आणि राशीरत्नांचे आकर्षक दागिने एकाच ठिकाणी उपलब्ध असतील. बाफना परिवाराने ग्राहकांना या विशेष संधीचा लाभ घेण्याचे आवाहन केले आहे.