जळगावात सरदार वल्लभभाई पटेल यांच्या जयंतीनिमित्त “युनिटी फॉर रन” उत्साहात
जळगाव (प्रतिनिधी) : देशाचे लोहपुरुष म्हणून ओळखले जाणारे सरदार वल्लभभाई पटेल यांच्या १५० व्या जयंतीनिमित्त शनिपेठ पोलिस ठाण्याच्या हद्दीत आज सकाळी “युनिटी फॉर रन” हा विशेष उपक्रम उत्साहात पार पडला. हा कार्यक्रम सकाळी सात ते नऊ वाजेपर्यंत शनिपेठ पोलिस ठाणे ते पांजरापोळ मार्गावर घेण्यात आला.
या उपक्रमात स्थानिक नागरिक, शाळांचे शिक्षक, विद्यार्थी, पोलिस अधिकारी व कर्मचारी तसेच सामान्य नागरिक मोठ्या संख्येने सहभागी झाले होते. कार्यक्रमानंतर सहभागी सर्वांसाठी नाश्ता, चहा आणि पाण्याची व्यवस्था करण्यात आली होती.
कार्यक्रमाला उपस्थित मान्यवरांमध्ये शनिपेठ पोलीस स्टेशनच्या पोलीस निरीक्षक कावेरी कमलाकर , ललित चौधरी, माजी नगरसेवक सुनील खडके, प्रवीण कोल्हे, चेतन संकत, भरत कोळी, मुकुंद मेटकर, अयाज अली नियाज अली, करीम सालार, शैलेंद्र सपकाळे, सुमित पाटील, मुकुंद कासार, दीपक सोनार, निलेश जावळे, अनिल कोळी, योगेश कोळी यांचा समावेश होता.
तसेच काशीबाई कोल्हे विद्यालयाचे मुख्याध्यापक, शिक्षकवृंद व विद्यार्थ्यांनी देखील उत्साहाने सहभाग नोंदवला. या प्रसंगी उपस्थितांनी एकता, बंधुता आणि राष्ट्रप्रेमाचा संदेश देत सरदार पटेल यांच्या कार्याचे स्मरण केले. संपूर्ण कार्यक्रम शांततेत व यशस्वीरीत्या पार पडला.
