महा पोलीस न्यूज । चेतन वाणी । जळगाव जिल्ह्यातील जामनेर शहरात एका धक्कादायक घटनेत एका २१ वर्षीय तरुणाची अमानुषपणे मारहाण करून हत्या करण्यात आली आहे. या घटनेमुळे शहरात तणावाचे वातावरण निर्माण झाले आहे. सुलेमान रहीम खान (वय २१, रा.छोटा बेटावद, जामनेर) असे मयत तरुणाचे नाव आहे. जामनेर पोलिसात याप्रकरणी गुन्हा दाखल करण्यात आला आहे. नाशिक परिक्षेत्राचे पोलीस महानिरीक्षक दत्तात्रय कराळे हे देखील जिल्ह्यात आले असून घटनेची माहिती घेत आहेत.
मयत तरुण सुलेमान रहिम खॉ पठाण याच्या वडिलांनी दिलेल्या फिर्यादीनुसार, रहिम खाँ बनेखॉ पठाण, वय ५०, व्यवसाय- शेती, रा.बेटावद खुर्द ता.जामनेर.. समक्ष पोलीस स्टेशन मध्ये हजर होवुन फिर्याद लिहुन देतो की, मी वरिल ठिकाणी पत्नी तबस्सुम रहिम खॉ पठाण, मुलगी मुस्कान व मुलगा सुलेमान रहिम खॉ पठाण, वय २० अशांसह राहावयास आहे. दोन वर्षापुर्वी माझी मुलगी मुस्कान हीचे लग्न झाले आहे. माझा मुलगा सुलेमान रहिम खॉ पठाण हा शिक्षण घेत होता. मी व माझी पत्नी आम्ही शेती करुन आमचे परिवाराचा उदरनिर्वाह करतो.
आज सकाळी १०.३० वाजता माझा मुलगा सुलेमान हा नोकरीचे ऑनलाईन फॉर्म भरण्या करीता जामनेर येथे गेला होता. दुपारी ४.३० वा.चे सुमारास मी बेटावद खुर्द येथे शेती काम करीत असतांना मला आमच्या गावातील इसम नामे डोंगरसिंग राजपुत याने फोन करुन सांगीतले की, बेटावद खुर्द येथील बसस्टँडमध्ये दहा ते पंधरा लोक मिळुन तुमचा मुलगा सुलेमान रहिम खॉ पठाण याला मारहाण करीत आहे. लागलीच मी माझी पत्नी तबस्सुम रहिम खॉ पठाण, मुलगी मुस्कान असे बेटावद खुर्द येथील बसस्टँड येथे पोहचलो.
मी बघीतले की माझा मुलगा सुलेमान रहिम खॉ पठाण हा अंडरपँडवर खाली पडलेला होता व दहा ते पंधरा लोक हातात लाठ्या, काठ्या, लोखंडी रॉड घेवुन तसेच लाथा बुक्क्यांनी मारहाण करीत होते. त्यावेळी आमच्याच गावात राहणारा अभिषेक राजपुत, रणजीत रामकृष्ण माताडे व मी ओळखत असलेले जामनेर, वाकी परिसरात राहणारे आदित्य देवरे, सोज्वळ तेली, कृष्णा तेली हे जमावातील इतर दहा ते बारा लोकां सोबत मिळुन माझ्या मुलाला मारहाण करीत असल्याचे बघीतले.
मी, माझी पत्नी व मुलगी असे मुलगा सुलेमान रहिम खाँ पठाण याला वाचवण्यासाठी मधे पडलो व माझ्या मुलाला मारू नका अशी मी मारहाण करणाऱ्या जमावाला विनंती केली, तरी अभिषेक राजपुत, रणजीत रामकृष्ण माताडे, आदित्य देवरे, सोज्वळ तेली, कृष्णा तेली यांनी जमावातील अनोळखी लोकां सोबत मिळुन मला, माझ्या पत्नीला व मुलीला शिवीगाळ करुन लाथा बुक्यांनी, काठ्या, लोखंडी रॉडने मारहाण केली. तसेच जमावातील लोक मला व माझे परिवाराला उद्देशून आज यांना सोडणार नाही, यांची इज्जत लुटून टाकू अशी धमकी देत होते. आम्हाला मारहाण करीत असतांना आमचे परिचीत शेख शेख इम्रान शेख रशीद, मेहबुब खान अकबर खान दोन्ही रा. बेटावद खुर्द ता. जामनेर असे तेथे आले व गावातील लोक जमा होवू लागले. त्यामुळे मारहाण करणारे अभिषेक राजपुत, रणजीत रामकृष्ण माताडे, आदित्य देवरे, सोज्वळ तेली, कृष्णा तेली व दहा ते बारा अनोळखी लोक हे तेथुन पळून गेले.
मी माझी पत्नी तसेच शेख इम्रान शेख रशीद, मेहबुब खान अकबर खान अशांनी मिळून माझा मुलगा सुलेमान रहिम खॉ पठाण याला जखमी अवस्थेत घरी घेवुन गेलो. त्याला कपडे घातले व त्याला झालेल्या मारहाणी बाबत मी त्याला विचारले असता मुलगा सुलेमान याने मला सांगीतले की, त्याला सुरुवातीला जामनेर शहरातील ब्रँड कॅफे येथे अभिषेक राजपुत व दहा ते बारा लोकांनी जबर मारहाण केली व त्याचे कडिल विवो कंपनीचा मोबाईल जबरदस्तीने काढुन घेतला. आणि ते त्याला जामनेर येथुन बेटावद खुर्द येथील बसस्टँडवर घेवुन आले. व तेथे त्याला सगळ्यांनी मिळुन मारहाण केली. त्यानंतर मी तसेच माझे वडिल बनेखॉ मोहम्मद खॉ पठाण, शेख इम्रान शेख रशीद, मेहबुब खान अकबर खान असे मिळुन जखमी अवस्थेत असलेला माझा मुलगा सुलेमान याला उपचार कामी उपजिल्हा रुग्णालय जामनेर येथे घेवुन आलो. तेथे डॉक्टरांनी मुलगा सुलेमान याला तपासुन तो मयत झाला असल्याचे आम्हाला सांगीतले.
माझा मुलगा सुलेमान याला अभिषेक राजपुत, रणजीत रामकृष्ण माताडे, आदित्य देवरे, सोज्वळ तेली, कृष्णा तेली व दहा ते बारा अनोळखी लोकांनी लाठ्या, काठ्या, लोखंडी रॉड घेवुन तसेच लाथा बुक्क्यांनी मारहाण करुन त्याला जिवे ठार मारले. म्हणुन त्यांचे विरोधात तक्रार देणे कामी मी जामनेर पोस्टे येथे आलो. माझे मुलाला जिवे ठार मारणाऱ्या जमावातील अभिशेख राजपुत, रणजीत रामकृष्ण माताडे, आदित्य देवरे, सोज्वळ तेली, कृष्णा तेली यास मी ओळखतो तसेच अनोळखी लोकांना मी, माझी पत्नी व मुलगी असे आम्ही पुन्हा पाहील्यास ओळखू.
तरी दिनांक ११/८/२०२५ रोजी दुपारी ४.३० वा.चे सुमारास बसस्टँड बेटावद खुर्द ता. जामनेर येथे अभिषेक राजपुत रा. बेटावद खुर्द ता. जामनेर, रणजीत रामकृष्ण माताडे, रा. बेटावद खुर्द ता. जामनेर, आदित्य देवरे रा. जामनेर, सोज्वळ तेली, कृष्णा तेली रा. वाकी, जामनेर व त्याचे सोबत दहा ते बारा अनोळखी लोकांनी माझा मुलगा सुलेमान रहिम खॉ पठाण यास लाठ्या, काठ्या, लोखंडी रॉड घेवुन तसेच लाथा बुक्क्यांनी मारहाण करुन त्याला जिवे ठार मारले. तसेच मला माझी पत्नी तबस्सुम रहिम खॉ पठाण, माझी मुलगी मुस्कानबी जिशान शेख असे आम्हाला लाठ्या, काठ्या, लोखंडी रॉड घेवुन तसेच लाथा बुक्क्यांनी मारहाण केली व शिवीगाळ केली, धमकावले म्हणुन माझी अभिषेक राजपुत रा. बेटावद खुर्द ता. जामनेर, रणजीत रामकृष्ण माताडे, रा. बेटावद खुर्द ता. जामनेर, आदित्य देवरे, रा.जामनेर, सोज्वळ तेली, कृष्णा तेली रा. वाकी, जामनेर व त्याचे सोबत दहा ते बारा अनोळखी लोकांविरोधात कायदेशीर कारवाई होणेस तक्रार आहे.
जामनेर पोलीस ठाण्यात गुन्हा दाखल करण्यात आला असून तपास पोलीस निरीक्षक कासार करीत आहेत.
पहा संपूर्ण व्हिडिओ :
