मुलींच्या कबड्डी स्पर्धेत पंडित नेहरू विद्यालयचे वर्चस्व
शालेय मुलींच्या कबड्डी स्पर्धा उत्साहात
भुसावळ – महाराष्ट्र राज्य क्रीडा व युवक सेवा संचालनालय पुणे, जिल्हा क्रीडा अधिकारी कार्यालय जळगाव व पंचायत समिती शिक्षण विभाग भुसावळ व बियाणी एज्युकेशन ट्रस्ट च्या संयुक्त विद्यमाने बियाणी मिलिटरी स्कूल भुसावळ येथे मुलींच्या १४,१७,१९ वर्षातील कबड्डी स्पर्धा संपन्न झाल्या. सदर स्पर्धेचे उद्घाटन भुसावळ च्या तहसीलदार, नीता लबडे यांच्या हस्ते करण्यात आले.
कार्यक्रमाचे अध्यक्षस्थानी समाजसेविका प्रतिष्ठान महिला मंडळाचे अध्यक्षा रजनी सावकारे ह्या होत्या. प्रमुख अतिथी बियाणी एज्युकेशन ट्रस्टचे अध्यक्ष मनोज बियाणी ,सचिव डॉ संगीता बियाणी यानच्या सह शाळेचे प्राचार्य डी. एम. पाटील, महाराष्ट्र राज्य क्रीडा व शारीरिक शिक्षण शिक्षक महासंघाचे राज्य उपाध्यक्ष तथा जिल्हाध्यक्ष तालुका समन्वयक डॉ.प्रदीप साखरे, क्रीडा भारतीचे विभागीय सचिव बी. एन. पाटील, विलास पाटील यांच्यासह क्रीडा शिक्षक प्रशिक्षक, खेळाडू, पंच मोठ्या संख्येने उपस्थित होते.
प्रथम उद्घाटक नीता लबडे व कार्यक्रमाचे अध्यक्ष रजनी सावकारे यांच्या हस्ते प्रमुख अतिथींच्या उपस्थितीत मेजर ध्यानचंद व मामा बियाणी यांच्या प्रतिमेस माल्यार्पण करून दीप प्रज्वलन व क्रीडांगण पूजन करून उद्घाटन करण्यात आले., प्रास्ताविक डॉ प्रदीप साखरे यांनी केले., स्पर्धेचे उद्घाटक नीता लबडे यांनी विद्यार्थ्यांना मार्गदर्शन करताना खेळाडूंचे सर्व मुलींचे स्पर्धेत सहभागी होता म्हणून मनःपूर्वक अभिनंदन केले. व खेळाडू मुलींनी कुठल्याही संकटाला न डगमगता त्यावरती कणखर बनवून मात करावी. मुलींनी अभ्यासाबरोबर आतापासूनच आपल्या फिटनेस कडे लक्ष ठेवावे असा सल्ला दिला.
कार्यक्रमाचे अध्यक्ष रजनीत सावकार यांनी खेळाडूंना मार्गदर्शन करताना सांगितले खेळाडू वृत्तीने खेळून आपल्या खेळाचे प्रदर्शन करावे व जयपराचे आपण पचवावा असे मार्गदर्शन केले. तसेच खेळाडूंना शुभेच्छा दिल्या व खेळाडूंनी आपल्या खेळाचे कौशल्य दाखवून विजय संपादन करावा व राज्य राष्ट्रीय संपादन करून भुसावळ च नाव उज्वल करावं म्हणजेच आम्हाला जास्त आनंद होईल. असे मनोगतातून सांगितले.पंच म्हणून डॉ प्रदीप साखरे व बी एन पाटील यांच्या मार्गदर्शनाखाली , नयन सागर मनी, व्ही. एस. पाटील, काजल बारोट, मुकेश मोरे, गजानन यशवंत पाटील, नम्रता स्वप्निल गुरव , व्ही.एस. वाणी, एन. डी.राजपूत, हिम्मत पाटील , एस. सी. पाटील. यांनी काम पाहिले.
स्पर्धा यशस्वीतेसाठी पी.आर. साखरे, हिम्मत पाटील यांच्यासह सर्व क्रीडा शिक्षक व बियाणी मिलिटरी स्कूलचे कर्मचारी व विद्यार्थी यांनी परिश्रम घेतले. स्पर्धेचा निकाल खालील प्रमाणे. 14 वर्षातील मुली प्रथम – पंडित नेहरू विद्यालय वराडसीम, द्वितीय- विवेकानंद विद्यालय, तृतीय-गंगाधर सांडू विद्यालय वरणगाव , सतरा वर्षातील मुली पंडित नेहरू विद्यालय वराडसीम द्वितीय अहिल्यादेवी कन्या विद्यालय भुसावळ, तृतीय के. नारखेड विद्यालय भुसावळ, 19 वर्षाखालील मुली प्रथम पु.ओ.नाहाटा कॉलेज, द्वितीय बियाणी स्कूल भुसावळ . कार्यक्रमाचे शानदार सूत्रसंचालन व आभार प्रदर्शन विलास पाटील यांनी केले
