महा पोलीस न्यूज | ३१ मार्च २०२४ | जळगाव शहरातील रेल्वे स्थानकाबाहेर धारदार कोयता घेऊन दहशत माजवणाऱ्या एकाला शहर पोलिसांनी रविवारी पहाटेच्या सुमारास अटक केली आहे. याप्रकरणी शहर पोलीस ठाण्यात गुन्हा दाखल करण्यात आला आहे.
जळगाव शहरातील रेल्वे स्थानक परिसरात रविवारी रात्री ११ ते ५ दरम्यान शहर पोलीस ठाण्यातील कर्मचारी सुनील पाटील, उमेश भांडारकर, तेजस मराठे, नरेंद्र ठाकरे असे रात्री गस्तीवर हिस्ट्रीशीटर तपासणी करीत होते. रात्री २.४५ च्या सुमारास एक तरुण रेल्वे स्थानक परिसरात हातात कोयता घेऊन दहशत माजवत असल्याची माहिती पोलिसांना मिळाली.
पथकाने लागलीच दोन पंच घेऊन त्याठिकाणी धाव घेतली असता डॉ.बाबासाहेब आंबेडकर यांच्या पुतळ्याच्या उजव्या बाजूला एक तरुण हातात कोयता घेऊन उभा असलेला दिसला. पोलिसांनी त्याला ताब्यात घेऊन नाव, गाव विचारले असता त्याने गजानन उर्फ गणेश रविंद्र चौधरी (वय – १९) रा.शनिपेठ असे सांगितले. याप्रकरणी शहर पोलीस ठाण्यात गुन्हा दाखल करण्यात आला आहे.
