महा पोलीस न्यूज । विजय माळी । भडगाव शहरातील पाचोरा रस्त्यावरील नीलमणी प्रतिष्ठानद्वारे संचालित गो संवर्धन केंद्राला भडगाव नगर परिषदेच्या सफाई कर्मचाऱ्यांनी एक ट्रॅक्टर मक्याचा हिरवा चारा दान केला आहे. हे गो संवर्धन केंद्र अनुदानाविना चालविले जाते आणि स्वखर्चाने त्याचा खर्च भागविला जातो.
यासाठी नगर परिषदेचे सफाई कर्मचारी वाल्मिक पाटील, जगदीश मोरे, चैत्राम पवार, गोविंद देवरे, नाना चौधरी, दिनकर मोरे आणि कृष्णा वाघ यांनी आपल्या शेतातील मक्याचा एक ट्रॅक्टर ट्रॉली चारा उपलब्ध करून दिला.
नीलमणी गो संवर्धन केंद्राचे संचालक विनोद चौधरी यांनी या दानाबद्दल सफाई कर्मचाऱ्यांचे आभार मानले आहेत आणि त्यांच्या या सहकार्याचे कौतुक केले आहे.
