राजेंद्र नगरातील घरफोडी प्रकरणाचा छडा, १२.७८ लाखांची चोरी उघडकीस; पाच आरोपी अटकेत

राजेंद्र नगरातील घरफोडी प्रकरणाचा छडा, १२.७८ लाखांची चोरी उघडकीस; पाच आरोपी अटकेत
धुळे एलसीबी पथकाची कारवाई
धुळे प्रतिनिधी धुळे तालुक्यातील राजेंद्र नगर येथे 4 डिसेंबर 2024 रोजी अज्ञात चोरट्यांनी घरातून बारा लाख 78 हजार रुपयांचा मुद्देमाल चोरून नेला होता . याप्रकरणी धुळे स्थानिक पुणे शाखेच्या पथकाने वेगाने चक्र फिरवून पाच संशयित आरोपींना अटक केली असून त्यांच्याकडून मुद्देमाल हस्तगत करण्यात आला आहे.

तालुक्यातील राजेंद्र नगर येथील एका घरात ४ डिसेंबर २०२४ च्या रात्री ११ वाजता ते ५ डिसेंबर २०२४ च्या पहाटे ६ वाजेपर्यंत अज्ञात चोरट्यांनी घरफोडी केली. फिर्यादी रघुनाथ राजाराम सोनार यांनी सांगितले की, मुलाच्या लग्नासाठी जमा केलेले सोने-चांदीचे दागिने आणि रोख एकूण १२ लाख ७८ हजार रुपयांचा मुद्देमाल चोरूननेला होता . त्यानुसार धुळे तालुका पोलीस स्टेशनमध्ये भाग-५ गुन्हा क्र. ८०४/२०२४ नोंद करण्यात आला. स्थानिक गुन्हे शाखेचे निरीक्षक श्रीराम पवार यांच्या निर्देशनाखालील पथकाने घटनास्थळी तपासणी दरम्यान माहिती गोळा केली, तेव्हा संशयितांचा शोध घेण्यासाठी लळींग टोल आणि इतर १९ टोलनाक्यांवरील सीसीटीव्ही फुटेज, असे सुमारे ६०० मोबाईल नंबर आणि टॉवर लोकेशन्सचे तांत्रिक विश्लेषण करण्यात आले.

अभियानादरम्यान पांढऱ्या रंगाच्या Hyundai i20 (MH‑12 HZ‑1064) या कारमधून घेतलेल्या फास्टॅगशी संबंधित मोबाईल ट्रॅक करून संशयितांचे वारंवार धुळेपर्यंत ये-जा करणारे हालचालींचे चित्र उभे राहिले. त्यामुळे २४ एप्रिल २०२५ रोजी शेख अशफाक शेख आसिफ (वय ४५), आगामिर खान पठाण (वय ५८), फिरोज रेहमान शेख (वय ३६), ऐफाड़ा शेख अनिस शेख (वय ३६) आणि शेख कलीम शेख अलीम (वय ३३) यांच्या घरांवर छापा मारून त्यांना ताब्यात घेण्यात आले.

त्यांच्या ताब्यातून ४ लाख रोख, पाच मोबाईल हँडसेट२२ हजार ३०० रुपये , घरफोडी साधनांसाठी स्क्रूड्रायव्हर व लहान कॅटोनी आणि Hyundai i20 कारसह इंजिन क्र. D4FCCU080034, चेसिस क्र. MALBB51SLCM397169 असा एकूण१,४१,६९,८७१/- मूल्याची मालमत्ता जप्त करण्यात आली. यासोबत त्यांच्या ताब्यातून रघुनाथ सोनार यांच्या चोरीला गेलेली ९८.४९ ग्रॅम सोन्याची अंगठी, चैन, टॉगल, मंगळसूत्र, फॅन्सी वाटी, मणी, रिंग, कानातील बाळी व ब्रासलेटही हस्तगत झाली. संशयितांनी देवपुर येथील नोव्हेंबर २०२४ मधील एका घरफोडीची कबुलीदेखील दिली होती.

या कारवाईत पोलीस अधीक्षक श्रीकांत धिवरे आणि अपर पोलीस अधीक्षक किशोर काळे यांनी मार्गदर्शन केले. स्थानिक गुन्हे शाखेचे पोलीस निरीक्षक श्रीराम पवार, पोउनि बाळासाहेब सुर्यवंशी, उपनिरीक्षक विनोद खरात, धनंजय मोरे, संजय पाटील, संदीप पाटील, योगेश चव्हाण, हेमंत बोरसे, प्रल्हाद वाघ आणि अमोल जाधव यांनी केली.