भडगावात शेतकरी आयडी बनवण्यासाठी सीएससी सेंटर धारकांकडून आर्थिक लूट
शेतकरी संघटनेचे भडगाव तहसीलदारांना निवेदन
शेतकऱ्यांची आर्थिक लूट करणाऱ्या सीएससी सेंटरवर त्वरित कारवाईची मागणी
भडगाव प्रतिनिधी
भडगाव शहरात सीएससी सेंटर चालकांकडून शेतकऱ्यांची होणारी लुटमार थांबविणे बाबत आज तहसीलदार शितल सोलाट यांना महाराष्ट्र राज्य शेतकरी संघटना भडगाव तालुक्याच्या वतीने लेखी निवेदन देण्यात आले याबाबत आर्थिक लूट करणाऱ्या त्वरित कारवाई करण्याची मागणी करण्यात आली.
तहसीलदार यांना दिलेल्या निवेदनात म्हटले आहे की,
शासनाने सर्व शेतकऱ्यांना कृषी विषयी योजना तसेच विवीध अनुदान संबधित फार्मर आयडी बनविण्यासाठी सातबारा उतारा व आधार कार्ड लिंक करने सक्तीचे केले असून हा फार्मर आयडी बनवण्यासाठी शहरांतील सीएससी सेंटर चालक हे मनमानी पद्धतीने शंभर ते दोनशे रुपये तसेच पाचशे रुपयेची मागणी गोरगरीब शेतकऱ्यांकडून करीत लुटमार केली जात आहे ते ही तहसील कार्यालय आवारात ही लुटमार होत असून आदरणीय तहसीलदार साहेब आपण आपल्या स्तरावर चौकशी करून याबाबत त्यांच्यावर त्वरित कारवाई करत सीएससी सेंटर बंद करावे. गोरगरीब शेतकऱ्यांची होणारी लूट ही त्वरित थांबवावी.
या सीएससी सेंटर चालकांना शेतकरीसाठी मोफत आयडी बनविण्याविषयी मार्गदर्शक फलक सेंटरच्या दर्शनी भागास लावणे बंधनकारक करावे अशी मागणी निवेदनात करण्यात आली. यावेळी शेतकरी संघटनेचे तालुकाध्यक्ष अभिमान हटकर,विलास देशमुख, कन्हैयालाल महाजन,अनिल पाटील,भगवन चौधरी,
परशुराम सुर्यवंशी,मनोज परदेशी आदींसह अनेक शेतकऱ्यांच्या सह्या आहेत.
