महा पोलीस न्यूज । दि.२८ मार्च २०२५ । जळगाव शहरातून वाढत्या दुचाकी चोरीला आळा घालण्याच्या सूचना पोलीस अधीक्षक डॉ.महेश्वर रेड्डी यांनी दिल्या होत्या. जळगाव एलसीबीच्या पथकाने गोलाणी मार्केटमधील एका दुचाकी चोरीचा छडा लावताना ४ गुन्हे उघडकीस आणले आहेत. विक्रम चव्हाण रा.वसंतवाडी असे पोलिसांनी अटक केलेल्या संशयित आरोपीचे नाव असून त्याच्याकडून ४ दुचाकी हस्तगत करण्यात आल्या आहेत.
जळगांव शहर पो.स्टे.ला यावर्षी मोटार सायकल चोरीबाबत गुन्हा दाखल करण्यात आला होता. स्थानिक गुन्हे शाखा जळगाव पथकास गोपनीय बातमीदारामार्फत, विक्रम भिका चव्हाण, रा.वसंतवाडी हा चोरीच्या मोटारसायकल वापरत असल्याची खात्रीशीर बातमी मिळाली होती. त्यावरून पथकाने विक्रम चव्हाण हा त्याचे घरी असल्याची खात्रीशीर बातमी मिळाल्यावरून त्यास ताब्यात घेतले.
चोरीच्या ४ दुचाकी हस्तगत
पोलिसांनी संशयित आरोपीकडून चौकशीत जळगांव शहर पो.स्टे.ला दाखल गुन्ह्यातील मो.सा.क्र.MH१९DU८२३५ हिरो होंडा स्प्लेंडर, MH१९EC३९६८ होंडा शाईन, MH१९BB६००५ हिरो होंडा स्प्लेंडर प्रो आणि जिल्हापेठ पो.स्टे.ला दाखल गुन्ह्यातील मो.सा.क्र. MH२०FQ९७२८ होंडा शाईन अशा ४ मोटार सायकल चोरी केल्याची कबुली दिली असून त्या काढून दिल्या आहेत. पुढील तपास कामी त्याला ताब्यात घेवून जळगाव शहर पो.स्टे. ताब्यात देण्यात आले आहे.
या पथकाने केली कामगिरी
संपूर्ण कामगिरी पोलीस अधीक्षक डॉ.महेश्वर रेड्डी, अपर पोलीस अधीक्षक कविता नेरकर यांच्या मार्गदर्शनाखाली पोलीस निरीक्षक बबन आव्हाड यांच्या पथकातील पो.उप.नि.दत्तात्रय पोटे, सफौ विजयसिंग पाटील, अतुल वंजारी, हवालदार अकरम शेख, विजय पाटील, हरिलाल पाटील, प्रविण भालेराव यांनी केली आहे.
