जळगावः पारोळा शहरातील एका बिअर बारचे दुकानाचे कुलूप तोडून देशी-विदेशी दारू च्या बाटल्या चोरी करणान्या रेकॉर्डवरील गुन्हेगाराला एलसीबीच्या पथकाने शुक्रवारी २० दुपारी हातेड गावातून मुसक्या आवळल्या. त्याच्याकडून चोरी केलेल्या मुद्देमाल जप्त करण्यात आला आहे. शांताराम उर्फ शान्या प्रताप कोळी रा. हातेड ता. चोपड़ा असे अटक केलेल्या संशयित आरोपीचे नाव आहे,
पारोळा शहरातील हॉटेल ग्रीन पार्क बियरबार फोडल्याची घटना घडली होती. यासंदर्भात गुन्हा दाखल करण्यात आला होता. यावेळी पोलिसांनी घटनास्थळी भेट देऊन पाहणी केली असता, गुन्हा करण्याची पद्धत ही शांताराम उर्फ शान्या प्रताप कोळी याची असल्याने, पोलीसांनी त्याला चौकशीसाठी ताब्यात घेतले असता त्याने घोरी केल्याची कबुली दिली. त्याला पारोळा पोलिसांच्या ताब्यात देण्यात आले आहे.
पोलीस अधीक्षक महेश्वर रेड्डी, अपर पोलीस अधीक्षक कविता नेरकर यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक बबन आव्हाड यांच्या मार्गदर्शनाखाली पोलीस उपनिरीक्षक गणेश वाघमारे, पोटेकॉ संदीप पाटील, प्रविण मंडोरे, नंदलाल पाटील, भगवान पाटील, राहूल कोळी यांनी केली आहे.
