महा पोलीस न्यूज । चेतन वाणी । जळगाव शहराच्या जवळच असलेल्या निमखेडी शिवारात एका तरुणाची धारदार शस्त्र आणि दगडाने ठेचून हत्या करण्यात आल्याची घटना रविवारी रात्री १० वाजेच्या सुमारास घडली आहे. याप्रकरणी तालुका पोलिसांनी पुढील तपास सुरू केला आहे.
मिळालेल्या माहितीनुसार, निमखेडी शिवारात राहणारा सागर साहेबराव सोनवणे वय-२८ हा ट्रॅक्टर काम करत होता. जुन्या वादातून रविवारी रात्री १० वाजेच्या सुमारास गावच्या जवळच असलेल्या राम मंदिराजवळ त्याला गंभीर जखमी अवस्थेत टाकून देण्यात आले होते. सागरच्या डोक्यात धारदार शस्त्र आणि दगडाने वार करण्यात आल्याची प्राथमिक माहिती आहे.
जखमी अवस्थेत सागर यास जिल्हा रुग्णालयात दाखल करण्यात आले असता डॉक्टरांनी त्याला मृत घोषित केले. त्याच्या पश्चात आई, वडील, भाऊ असा परिवार आहे. दरम्यान, याप्रकरणी पोलिसांनी तपास सुरू केला असून १ संशयिताला ताब्यात घेण्यात आले आहे.
