जळगाव : राष्ट्रीय महामार्गावरील रस्त्यावरून पायी चालत असताना एका 57 वर्षीय व्यक्तीला वाहनाने दिलेल्या धडकेत व गंभीर झाल्याची घटना 13 रोजी घडली होती मात्र उपचारादरम्यान त्या इसमाचा मृत्यू झाला.रामचंद्र धनू माळी (वय ५७, रा. शांतीनारायण नगर, रामेश्र्वर कॉलनी) असे मयत व्यक्तीचे नाव आहे.
रामचंद्र धनू माळी हे दि. १३ रोजी साडेतीन वाजेच्या सुमारासराष्ट्रीय महामार्गावरील रत्नाकर नर्सरीजवळून पायी जात होते. यावेळी भरधाव वेगाने येणाऱ्या अज्ञात वाहनाने त्यांना जोरदार धडक दिली होती. धडक दिल्यानंतर वाहन चालक हा तेथून पळून गेला. यामध्ये रामचंद्र माळी हे गंभीर जखमी झाले होते. त्यांच्यावर रुग्णालयात उपचार सुरु असतांना त्यांचा मृत्यू झाला. याप्रकरणी दि. १४ रोजी अज्ञात वाहन चालकाविरुद्ध एमआयडीसी पोलिसात गुन्हा दाखल करण्यात आला असून तपास पोउनि सचिन नवले हे करत आहे.
