सुलेमान खान मॉब लिंचिंग:६२ जखमा, १७ आरोपींपैकी फक्त १० अटक ; उर्वरितांना राजकीय संरक्षण
न्यायासाठी एकता संघटनेची उच्च न्यायालयात धाव
जळगाव प्रतिनिधी I जिल्ह्यातील जामनेर आणि बेटावद येथे सुलेमान खानची हत्या करणाऱ्या मॉब लिंचिंग घटनेत प्रशासन आणि सरकारच्या उघड दुर्लक्षाचा निषेध करण्यासाठी पीडितेच्या कुटुंबाने उच्च न्यायालयात धाव घेतली असून प्रकरण नोंदणी झाले असून ९ ऑक्टोबर ला सरक्युलेशन ला असल्याचे एकता संघटनेचे फारूक शेख यांनी एका पत्रकाद्वारे कळविले आहे.
मॉब लिंचिंग द्वारे हत्या प्रकरण
११ ऑगस्ट २०२५ रोजी जळगाव जिल्ह्यातील जामनेर तहसीलमध्ये घडलेल्या मॉब लिंचिंग घटनेने संपूर्ण राज्याला लाज वाटली आहे. २० वर्षीय सुलेमान रहीम खान पठाण याचे दिवसाढवळ्या सार्वजनिकरित्या अपहरण करण्यात आले, चार ठिकाणी फिरवले गेले आणि लोखंडी रॉड, काठ्या आणि लाथा-बुक्क्यांनी क्रूरपणे मारहाण करण्यात आली ज्यामुळे त्याचा मृत्यू झाला. पोस्टमॉर्टम रिपोर्टमध्ये सुलेमानच्या शरीरावर ६२ जखमा असल्याचे दिसून आले. ही हत्या एकाच आरोपीने केली नाही तर एका संघटित जमावाने नियोजनबद्ध पद्धतीने केली आहे.
एकता संघटनेचे प्रयत्न
घटनेच्या दिवसापासून एकता संघटनेचे समन्वयक फारुख शेख आणि त्यांच्या सर्व सहकाऱ्यांनी पोलिस, प्रशासन, पालकमंत्री, उपमुख्यमंत्री, अल्पसंख्याक आयोग, मानव अधिकार आयोग आणि सर्व राजकीय पक्षांना निवेदने दिली परंतु सत्ताधारी पक्षा च्या दबावा मुळे पोलिसांनी यांच्याकडे दुर्लक्ष केले.
म्हणून एकता संघटनेने हे प्रकरण उच्च न्यायालयात नेण्याचा निर्णय घेतला आणि सुलेमानच्या कुटुंबानेही त्यांना पूर्ण पाठिंबा दिला असता औरंगाबाद चे अधिवक्ता नसीम शेख यांच्या मार्फत सुरुवातीला पोलिसांना नोटीस बजावली, परंतु त्यांनी नोटीसकडे दुर्लक्ष केले, म्हणून औरंगाबाद खंडपीठात खटला दाखल करण्यात आला आहे.
उच्च न्यायालयात का गेलो? = फारुख शेख
तपास चालू असताना तपासी अधिकारी हे फिर्यादी चे जवाबा कडे दुर्लक्ष करून आरोपींना वाचवण्याचा प्रयत्न करीत असल्याचे लक्षात आले व खास करून सर्वात मोठे प्रश्न उपस्थित झाले की
१) सुलेमानला जिथून अपहरण करण्यात आले ते कॅफे ब्रँड जामनेर पोलिस ठाण्यापासून फक्त १०० फूट अंतरावर असताना पोलिस गप्प का राहिले?
२) पीडितेच्या वडिलांनी आपल्या जबाबात, नोटीस मध्ये ( एफ आय आर क्रमांक २८८/२०२५) १७ आरोपींची स्पष्टपणे यादी दिली होती, परंतु पोलिसांनी फक्त १० जणां ना अटक केली. इतरांना का संरक्षण दिले जात आहे?
३) कुटुंबाने सीसीटीव्ही फुटेज, सोशल मीडिया पोस्ट आणि साक्षीदारांचे जबाब पोलिसांना दिले असतानाही कोणतीही कारवाई का करण्यात आली नाही?
४) सर्वोच्च न्यायालयाच्या तहसीन पूनावाला खटल्यात स्पष्टपणे असे म्हटले आहे की अशा प्रकरणांमध्ये तात्काळ एफआयआर दाखल करावा, निष्पक्ष चौकशी करावी आणि भरपाई द्यावी. तरीही, आजपर्यंत ना भरपाई मिळाली आहे आणि ना निष्पक्ष चौकशी केली जात आहे.
५) या प्रकरणात प्रशासन आणि सरकारची भागीदारी आणि अपयश उघडकीस आले आहे. आरोपींमध्ये अनेक प्रभावशाली व्यक्तींचा समावेश असल्याचे म्हटले जाते ज्यांना थेट राजकीय संरक्षण मिळते. म्हणूनच पोलिस सर्व गुन्हेगारांना अटक करत नाहीत आणि ना निष्पक्ष कारवाई करत आहेत. म्हणूनच उच्च न्यायालयात धाव घेण्यात आली असल्याचे फारुख शेख यांनी
म्हटले आहे.
*उच्चन्यायालयात पीडित कुटुंबाच्या याचिकेतील मुख्य मागण्या*
१) कुटुंबातील प्रत्येक सदस्याला तात्काळ २५ लाख रुपये भरपाई देण्यात यावी.
२) प्रकरणाचा तपास स्वतंत्र नोडल अधिकाऱ्याकडे सोपवण्यात यावा आणि सर्व प्रमुख आरोपींना अटक करण्यात यावी.
३) हा खटला जलदगती न्यायालयात चालवावा आणि दोषींना कठोरात कठोर शिक्षा व्हावी.
४) सर्वोच्च न्यायालयाने दिलेल्या निर्देशानुसार पीडितेच्या कुटुंबाला सुरक्षा आणि न्याय मिळाला पाहिजे.
फारुक शेख यांनी आपल्या पत्रकात पुढे असेही म्हटले आहे की, ही केवळ सुलेमानची हत्या नाही तर कायदा आणि न्यायव्यवस्थेची हत्या आहे. जर सरकार आणि पोलिस अशा प्रकरणांमध्ये गप्प आणि निष्क्रिय राहिले तर हे स्पष्टपणे सूचित करते की सामान्य नागरिकांचे जीवन पूर्णपणे असुरक्षित आहे आणि कायदा फक्त पुस्तकांपुरता मर्यादित आहे.
पीडितेच्या कुटुंबाने एकता संघटनेच्या माध्यमातून मुंबई उच्च न्यायालय, औरंगाबाद खंडपीठात वकील नसीम शेख यांच्यामार्फत याचिका दाखल करून प्रशासन आणि सरकारचा पर्दाफाश केला आहे. आता, देशातील जनतेला हे पाहायचे आहे की न्यायव्यवस्था गुन्हेगारांना कठोर शिक्षा देऊन कायद्याचे पालन करेल की इतर घटनांप्रमाणे हे प्रकरणही दाबून ठेवेल.
ही घटना घडल्यापासून कार्यरत एकता संघटनेचे मुफ्ती खालिद, हाफिज रहीम पटेल, फारुख शेख, नदीम मलिक, अनीस शाह, (सर्व जळगाव) जावेद मुल्लाजी, आणि अशफाक पटेल (जामनेर), कुर्बान शेख (फैजपूर), इरफान सेठ (चिनावल), तर जळगाव चे आरिफ देशमुख, हाफिज कासिम नदवी, अन्वर सिकलगर, मतीन पटेल, सय्यद चांद, हाफिज उमर नसीर, सय्यद इरफान अली, मजहर खान, मुजफर खान, इम्रान शेख, नजमुद्दीन शेख, रज्जाक पटेल, कासिम उमर, मौलाना गुफरान, सलीम इनामदार, इम्रान अहमद, इ.
