जळगाव : भरधाव डंपरच्या धडकेत दुचाकी स्वार ठार झाल्याची घटना 11 रोजी दुपारी साडेतीन वाजता आर एल चौफुली. जवळ घडली.आसिफ कुरेशी हाजी शौकत कुरेशी (वय ४० रा. आयेशा नगर, सुप्रीम कॉलनी) असे मयत दुचाकीस्वाराचे नाव आहे.
उत्तरप्रदेशमधील रहिवासी असलेले आसिफ कुरेशी हे रोजगारासाठी गेल्या अनेक वर्षांपासून सुप्रीम कॉलनी परिसरातील आयेशानगरात राहतात. वॉल पेपर लावण्याचे काम करणारे कुरेशी बुधवारी दुपारच्या सुमारास (एमएच १९, डीसी १७५१) क्रमांकाच्या दुचाकीने सुप्रिम कॉलनीतून शहराकडे येत होते. त्यावेळी आरएल चौफुलीजवळील महामार्गावर त्यांच्या मागून भरधाव वेगाने येणाऱ्या (एमएच १९ सीएक्स ४९४०) क्रमांकाच्या डंपरने त्यांना जोरदार धडक दिली. या अपघातात दुचाकीस्वार आसिफ कुरेशी यांचा जागेवरच मृत्यू झाला. घटनेची माहिती मिळताच एमआयडीसी पोलिस घटनास्थळी दाखल झाले. याप्रकरणी पोलिसात अकस्मात मृत्यूची नोंद करण्यात आली आहे. कुरेशी यांच्या पश्चात पत्नी, तीन मुले आणि एक मुलगा असा परिवार आहे.
