पारोळा : मध्यप्रदेश येथील रहिवासी व सध्या शेतमजुरीसाठी राहायला असलेल्या शेतमजुराला लक्झरीने जोरदार धडक दिल्याने झालेल्या अपघातात मजुराचा मृत्यू झाल्याची घटना रविवारी सायंकाळच्या सुमारास येथील राष्ट्रीय महामार्गावर. घडली
कुटुंबाच्या उदारनिर्वाह करण्यासाठी मध्यप्रदेश येथून मजुरी कामासाठीधरमसिंग धनसिंग पटेल (३५) म्हसवे येथे आले आहेत. शहरात बाजार करण्यासाठी ते गेले होते. दरम्यान, शहरातून आपल्या झोपडीकडे परत पायी येत असताना पारोळ्याकडून जळगावकडे जाणारी लक्झरी (एमएच४३/एच८१९९) ने धरमसिंग पटेल यांना पाठीमागून जोरदार धडक दिल्याने झालेल्या अपघातात त्यांचा जागीच मृत्यू झाला.
याबाबत पारोळा पोलिसात लक्झरी चालकाविरुद्ध गुन्हा दाखल करण्यात आला असून तपास हवालदार डॉ. शरद पाटील करीत आहेत.
