भडगाव येथे माजी उपमुख्यमंत्री अजित पवार यांच्या जयंतीनिमित्त विविध शासकीय कार्यालयांना प्रतिमा भेट देत विनम्र अभिवादन
भडगाव-प्रतिनिधी
राष्ट्रवादी काँग्रेस पक्षाचे नेते व राज्याचे माजी उपमुख्यमंत्री अजितदादा पवार यांच्या जयंतीनिमित्त भडगाव शहरात राष्ट्रवादी काँग्रेसच्या वतीने विविध उपक्रम राबवून त्यांना विनम्र अभिवादन करण्यात आले. जयंतीचे औचित्य साधून शहरातील विविध प्रमुख शासकीय कार्यालयांना अजित पवार यांची प्रतिमा भेट देण्यात आली.राष्ट्रवादी काँग्रेसच्या कार्यकर्त्यांनी भडगाव नगरपरिषद, पंचायत समिती, तहसील कार्यालय आणि पोलीस स्टेशन या ठिकाणी जाऊन अजितदादा पवार यांची प्रतिमा सस्नेह भेट दिली. याप्रकरणी शासकीय अधिकाऱ्यांनी या प्रतिमा स्वीकारल्या. या उपक्रमाद्वारे अजितदादांच्या लोकहितकारी कार्याचा गौरव करण्यात आला.याप्रसंगी राष्ट्रवादी काँग्रेसचे तालुकाध्यक्ष अनिल पाटील,
ओबीसी शहराध्यक्ष योगेश महाजन, शहराध्यक्ष रवींद्र महाजन, शहर कार्यकारी अध्यक्ष रमेश शिरसाठ यांच्यासह पक्षाचे इतर पदाधिकारी आणि कार्यकर्ते उपस्थित होते.
