मृतांच्या कुटुंबीयांना दहा लाखांची आर्थिक मदत जाहीर
गोंदिया वृत्तसंस्था ;-गोंदिया जिल्ह्यातील सडक अर्जुनी तालुक्यातील खजरी व डव्वा गावाजवळ आज दुपारी 1 च्या सुमारास नागपुरहून गोंदियाकडे येत असलेली शिवशाही बस पलटी झाली. या अपघातात8 जणांचा जागीच मृत्यू झाला आहे, तर अनेक प्रवासी गंभीर जखमी झाले असल्याचे सांगण्यात येत आहे. सध्या बचाव कार्य सुरु असून मृतांचा आकडा आणखी वाढण्याची शक्यता वर्तवण्यात येत आहे.
घटनास्थळी पोलीस आणि प्रशासन दाखल झाले असून बचावकार्य सुरू आहे. दरम्यान, गोंदिया एसटी अपघातातील मृतांना तातडीने 10 लाख रुपयांची मदत देण्याचे काळजीवाहू मुख्यमंत्र्यांनी परिवहन प्रशासनाला आदेश दिले आहेत.
