अवधूतवाडी पोलिसांच्या हद्दीतून मोटारसायकल चोरीप्रकरणी एकास अटक; पाच दुचाकी जप्त

अवधूतवाडी पोलिसांच्या हद्दीतून मोटारसायकल चोरीप्रकरणी एकास अटक; पाच दुचाकी जप्त

चार गुन्हे उघडकीस ; स्थानिक गुन्हे शाखेची कारवाई

यवतमाळ (प्रतिनिधी) – स्थानिक गुन्हे शाखा यवतमाळने मोटारसायकल चोरीच्या प्रकरणात कारवाई करत एकास अटक केली असून, त्याच्याकडून पाच मोटारसायकल जप्त करण्यात आल्या आहेत. या कारवाईतून चार चोरीचे गुन्हे उघडकीस आले असून, अंदाजे 2.70 लाख रुपये किंमतीचा मुद्देमाल हस्तगत करण्यात आला आहे.

यवतमाळ जिल्ह्यात मोटारसायकल चोरीच्या घटनांवर नियंत्रण ठेवण्यासाठी स्थानिक गुन्हे शाखेला तपासाचे निर्देश देण्यात आले होते. त्यानुसार, ७ एप्रिल २०२५ रोजी गुन्हे शाखेचे पथक पुसद येथे तपास करीत असताना गुप्त बातमीदाराकडून माहिती मिळाली की, एक इसम विना क्रमांकची पेंशन प्रो मोटारसायकल घेऊन धनोडा फाटा परिसरात फिरत आहे.

पोलिसांनी तत्काळ कारवाई करत प्रणव रणजित मुजमूले (वय २१, रा. सायफळ, ता. माहूर, जि. नांदेड) यास ताब्यात घेतले. विचारपूस केली असता तो उडवाउडवीची उत्तरे देत असल्याने अधिक तपास केला असता, त्याने सदर मोटारसायकल यवतमाळ बस स्थानक परिसरातून चोरी केल्याचे कबूल केले. चेसीस व इंजिन क्रमांकांची पडताळणी केल्यानंतर सदर दुचाकी ही अवधूतवाडी पोलीस स्टेशनच्या अपघात क्रमांक ५५५/२०२५, कलम ३७९ नुसार चोरीची असल्याचे स्पष्ट झाले.

आरोपीला विश्वासात घेऊन पोलिसांनी सखोल चौकशी केली असता, त्याने यवतमाळ परिसरातून आणखी चार मोटारसायकल चोरल्याची कबुली दिली. त्यानंतर एकूण पाच दुचाकी हस्तगत करण्यात आल्या.

उघडकीस आलेले गुन्हे पुढीलप्रमाणे आहेत:

अवधूतवाडी पो.स्टे. अप.क्र. 555/2025 कलम 379,अवधूतवाडी पो.स्टे. अप.क्र. 88/2025 कलम 379,अवधूतवाडी पो.स्टे. अप.क्र. 302/2025 कलम 379,अवधूतवाडी पो.स्टे. अप.क्र. 185/2025 कलम 379.

संपूर्ण तपासानंतर आरोपी प्रणव मुजमूले यास व जप्त मोटारसायकलीसह पुढील कार्यवाहीसाठी अवधूतवाडी पोलिसांच्या ताब्यात देण्यात आले.

ही कारवाई पोलीस निरीक्षक सतीश चवरे यांच्या मार्गदर्शनाखाली सहाय्यक पोलीस निरीक्षक गजानन गजभारे, पोउपनि शरद लोहकरे, चापोउपनि रविंद्र शिरामे, तसेच पोलीस कर्मचारी संतोष भोरगे, तेजाब रणखांब, सुभाष जाधव, रमेश राठोड, कुणाल मुंडोकार, सुनिल पंडागळे, राजेश जाधव यांनी केली.