महा पोलीस न्यूज । दि.४ ऑक्टोबर २०२४ । यावल वन विभागात सातपुडा पर्वतरांगांत जल पुनरुज्जीवन, शेतीसाठी जलस्त्रोतांची निर्मिती वनसंवर्धन आणि स्थानिक समुदायांच्या सर्वांगीण विकासाच्या उद्देशाने उपक्रम अंमलबजावणी करणेकामी कल्पतरु सेवा फांडेशनचा यावल वनविभागाशी सामंजस्य करार आज पार पडला. यावल उपवनसंरक्षक जमीर एम.शेख यांच्या हस्ते प्रक्रिया पार पडली.
उपवनसंरक्षक यावल जमीर शेख यांचे कार्यालयात कल्पतरु सेवा फाऊंडेशनचे अध्यक्ष मयुर अरुण पाटील यांनी यावल वन विभागात सातपुडा पर्वतरांगांत जल पुनरुज्जीवन, शेतीसाठी जलस्त्रोतांची निर्मिती वनसंवर्धन आणि स्थानिक समुदायांच्या सर्वांगीण विकासाच्या उद्देशाने उपक्रम अंमलबजावणी करणेकामी करार करण्यात आला.
उपक्रमात- जल पुनरुज्जीवन उपक्रम, शेतीसाठी व दैनंदिन वापरासाठी जलस्त्रोतांची निर्मिती, जंगलतोड थांबवण्यासाठी पुढाकार, वनजमीन संवर्धन, स्थानिक समाजासाठी सर्वांगीण विकास प्रकल्प, जैवविविधता संवर्धन, समुदायाचा सहभाग, पाणलोट व्यवस्थापन, जलसंधारण जागरुकता, उपजीविका सुधारणा, सामुदायिक सहभाग या उद्दीष्टानुसार कल्पतरु सेवा फाऊंडेशन देखरेख आणि मुल्यमापन, अहवाल देणे, निधी आणि संसाधने बाबत संयुक्तिक जबाबदाऱ्याद्वारे करार करण्यात आला.
