महा पोलीस न्यूज । दि.७ जानेवारी २०२४ । जळगाव स्थानिक गुन्हे शाखेने गुप्त माहितीच्या आधारे भडगाव येथे छापा टाकून दोन संशयितांना गावठी कट्टा (पिस्तुल) सह अटक केली आहे. आकाश झुंबर कांबळे (रा.वरची बर्डी, यशवंतनगर, भडगाव) आणि शुभम भास्कर दौणे (रा.रेल्वे स्टेशन जवळ कजगाव ता. भडगाव) यांच्याकडून एक गावठी कट्टा जप्त करण्यात आला आहे.
पोलिसांना मिळालेल्या माहितीनुसार, आकाश झुंबर कांबळे हा दहशत माजविण्याच्या उद्देशाने गावठी कट्टा बाळगून फिरत होता. याबाबत माहिती मिळताच पोलिसांनी कारवाई करत त्याला ताब्यात घेतले. त्याच्याकडून मिळालेल्या माहितीच्या आधारे शुभम भास्कर दौणे यालाही अटक करण्यात आली. पोलिसांनी दोघांविरुद्ध भारतीय हत्यार कायदा कलम ३/२५ अंतर्गत गुन्हा दाखल केला आहे.
पथकात यांचा होता समावेश
संपूर्ण कामगिरी संपूर्ण कामगिरी पोलीस अधीक्षक डॉ.महेश्वर रेड्डी, अपर पोलीस अधीक्षक कविता नेरकर, उपविभागीय पोलीस अधिकारी राजेशसिंग चंदेल यांच्या मार्गदर्शनाखाली एलसीबीचे पोलीस निरीक्षक बबन आव्हाड यांच्या पथकातील पोलीस उपनिरीक्षक शेखर डोमाळे, प्रविण भालेराव, महेश पाटील, ईश्वर पाटील, सागर पाटील, दिपक चौधरी यांच्या पथकाने केली आहे.
