महा पोलीस न्यूज । दि.६ ऑक्टोबर २०२४ । जळगाव जिल्ह्यात सध्या जास्त प्रमाणात मोटारसायकल चोरीचे प्रमाणे वाढले असल्याने आरोपीतांचा शोध घेवून त्यांचेवर कारवाई करण्याचे आदेश पोलीस अधीक्षक महेश्वर रेड्डी यांनी एलसीबीला दिले होते. एलसीबीच्या पथकाने गुप्त माहिती काढून ४ दुचाकी चोरट्यांना अटक केली आहे. चोरट्यांकडून चोरलेल्या १० दुचाकी हस्तगत करण्यात आल्या.
एलसीबीच्या पथकाला गुप्त बातमीदारा मार्फत बातमी मिळाली की, करण लक्ष्मण गायकवाड रा.कल्याणे होळ ता.धरणगाव हा चोरीची मोटारसायकल घेवून फिरत आहे. खात्रीशीर बातमी मिळाल्याने पथक हे बरेच दिवसापासून त्यांचे मागावर होते परंतु तो पोलीसांची नजर चुकवून त्याची ओळख लपवून वावरत होता. पथकातील अंमलदार यांना करण गायकवाड हा त्याचे गावी येथे असल्याची माहिती मिळाल्याने त्यास सापळा रचत ताब्यात घेतले.
पोलिसांनी त्यास विश्वासात घेवून विचारपुस केली असता त्याने त्याचा साथीदार गोपाल सुरेश भिल, वय २२, रा.वराड ता.चोपडा याचे नाव सांगितले. पथकाने त्याला देखील ताब्यात घेतले आहे. दोघांकडून कडून ३ मोटार सायकल जप्त करण्यात आल्या आहे. तसेच एकीचा शोध सुरू आहे. सर्व दुचाकी चोपडा शहरातून चोरलेल्या आहेत. याप्रकरणी आणखी तपास सुरू आहे.
दुसऱ्या गुन्ह्याच्या तपासात एलसीबीच्या पथकाला गुप्त बातमीदारा मार्फत बातमी मिळाली की, रविंद्र उर्फ राहुल पाटील व दिपक ज्ञानेश्वर पाटील हे सोबत मोटार सायकल चोरी करून वापरत आहे. पथकाने दोघांना मोठ्या शिताफिने ताब्यात घेवून त्यांना विश्वासात घेवून विचारपुस केली असता त्यांनी चोरीच्या ६ मोटारसायकल काढून दिल्या आहेत. दोन दुचाकी पारोळा व भडगाव येथील गुन्ह्यात तर उर्वरीत ४ मोटार सायकल ह्या पुणे व मुंबई येथून चोरी केल्याचे त्यांनी सांगितले.
या पथकाने केली कामगिरी
संपूर्ण कामगिरी पोलीस अधीक्षक डॉ.महेश्वर रेड्डी, अपर पोलीस अधीक्षक कविता नेरकर यांच्या मार्गदर्शनाखाली एलसीबीचे पोलीस निरीक्षक बबन आव्हाड यांच्या पथकातील पोलीस उपनिरीक्षक राहुल तायडे, दत्तात्रय पोटे, विजयसिंग पाटील, सुधाकर अंभोरे, महेश महाजन, अकरम शेख, लक्ष्मण पाटील, राहुल पाटील, जितेंद्र पाटील, भुषण पाटील, महेश सोमवंशी, रणजीत जाधव, दिपक चौधरी यांनी केली आहे.
