अमळनेरात राष्ट्रीय स्वयंसेवक संघाचा विजयादशमी उत्सव: शताब्दी वर्षानिमित्त विविध कार्यक्रम
अमळनेर (प्रतिनिधी): राष्ट्रीय स्वयंसेवक संघाला यावर्षी शंभर वर्षे पूर्ण होत असून, या शताब्दी वर्षानिमित्त विविध कार्यक्रमांचे आयोजन करण्यात येत आहे. संघाच्या सहा प्रमुख उत्सवांपैकी एक असलेला विजयादशमी उत्सव अमळनेरात उत्साहात साजरा होणार आहे. यानिमित्त पथसंचलन आणि सांस्कृतिक कार्यक्रमांचे आयोजन करण्यात आले आहे.
पथसंचलन आणि उत्सवाचे वेळापत्रक
पथसंचलन: दिनांक: गुरुवार, २ ऑक्टोबर २०२५ वेळ: सकाळी ७:३० वाजता एकत्रीकरण, समाप्ती ८:०० वाजता स्थळ: म्हसकर प्लॉट, स्वामी नारायण मंदिरासमोर, स्टेशन रोड, अमळनेर
विजयादशमी उत्सव (संत सखाराम महाराज नगर): दिनांक: शनिवार, ४ ऑक्टोबर २०२५ वेळ: सायंकाळी ६:०० वाजता स्थळ: संत सखाराम महाराज वाडी संस्थान पटांगण, अमळनेर प्रमुख पाहुणे: डॉ. विक्रांतजी पाटील (M.D. मेडिसिन) , प्रमुख वक्ते: अनिल भालेराव (माजी प्रांत संघचालक, देवगिरी प्रांत)
विजयादशमी उत्सव (श्रीमंत प्रतापशेठ नगर):दिनांक: रविवार, ५ ऑक्टोबर २०२५ वेळ: सायंकाळी ६:०० वाजता स्थळ: बजरंग सुपर मार्केट समोर, प्रताप मिल कंपाऊंड, अमळनेरप्रमुख पाहुणे: डॉ. निखील बहुगुणे (M.D. मेडिसिन) , प्रमुख वक्ते: सिद्धेश्वरजी बिराजदार (धर्मजागरण प्रमुख, देवगिरी प्रांत)
शताब्दी वर्षाचे महत्त्व
राष्ट्रीय स्वयंसेवक संघाच्या शताब्दी वर्षानिमित्त वर्षभर विविध सामाजिक, सांस्कृतिक आणि सेवाकार्यांचे आयोजन करण्यात येणार आहे. विजयादशमी उत्सव हा संघाच्या मूल्यांवर आधारित सामाजिक एकतेचे आणि देशसेवेचे प्रतीक मानला जातो. या उत्सवात स्वयंसेवकांचा उत्साह आणि समाजप्रबोधनाचे संदेश प्रमुख वैशिष्ट्य असणार आहे.
राष्ट्रीय स्वयंसेवक संघाचे जिल्हा प्रचार प्रमुख डॉ. चंद्रकांत पाटील यांनी सर्व नागरिकांना या उत्सवात सहभागी होण्याचे आवाहन केले आहे. तसेच, स्थानिक दैनिके, पोर्टल्स आणि वृत्तवाहिन्यांना या कार्यक्रमाची माहिती प्रसिद्ध करण्याची विनंती केली आहे. उत्सवाची सविस्तर माहिती आणि कार्यक्रम पत्रिका लवकरच उपलब्ध करून दिली जाईल.
