महा पोलीस न्यूज । चेतन वाणी । जळगाव शहरातील एमआयडीसी पोलीस ठाणे हद्दीत पोलिसांनी एका हॉटेलमध्ये सोमवारी छापा टाकला. हॉटेलमध्ये काही महिलांकडून वेश्या व्यवसाय करून घेतला जात असल्याची माहिती मिळाल्यावरून पोलिसांनी कारवाई केली आहे. हॉटेलमधून पोलिसांनी ६ महिलांची सुटका केली तर २ जणांना ताब्यात घेतले आहे.
मिळालेल्या माहितीनुसार, शहरातील एमआयडीसी भागात जी सेक्टरमधील सागर लॉजवर वेश्या व्यवसाय चालविला जात असल्याची माहिती एमआयडीसी पोलीस ठाण्याचे निरीक्षक संदीप पाटील यांच्या पथकाला मिळाली होती. त्यानुसार सोमवार दि.६ रोजी पथकाने लॉजवर छापा टाकत सहा महिलांसह २ जणांना ताब्यात घेतले. याप्रकरणी लॉज गुन्हा दाखल करण्याचे काम सुरु आहे.
