भडगाव महसूल विभागाच्या पथकाला धक्काबुक्की करून ट्रॅक्टर पळवले

भडगाव महसूल विभागाच्या पथकाला धक्काबुक्की करून ट्रॅक्टर पळवले

पाचोर्‍याच्या सात वाळू माफियांवर भडगाव पोलीस स्टेशनला गुन्हा दाखल

बांबरुड येथील गिरणा पात्रातून तीन अवैध वाळू वाहतूकीचे ट्रॅक्टर महसूल विभागाने केले जप्त

भडगाव- प्रतिनिधी

भडगाव तालुक्यातील बांबरुड प्र. उ येथील गिरणा नदी पात्रात बेसुमार अवैध वाळू उपसा चालतो याबाबत काल रात्री भडगाव महसूल विभागाच्या पथकाने बांबरुड ते पिंपळगाव दरम्यान गिरणा नदी पत्रातून अवैध वाळू वाहतूक करणारे तीन ट्रॅक्टर पकडले.

यावेळी त्या तीन ट्रॅक्टर पैकी एका ट्रॅक्टर वरील वाळू माफियांनी महसूल पथकाला धक्काबुक्की करत ट्रॅक्टर पळून नेले म्हणून भडगाव पोलीस स्टेशनला सात जणांविरुद्ध गुन्हा दाखल करण्यात आला आहे

याबाबत अधिक माहिती अशी की, फिर्यादी अनिल भगवान निकम (वय २७) मंडळ अधिकारी कजगाव यांनी दिलेल्या फिर्यादीत म्हटले आहे की, २६ रोजी रात्री २ वाजेच्य सुमारास यातील आरोपी मजकूर यांनी वरील वर्णनाचे व किमतीचे एक ट्रैक्टर व ट्रॉली मध्ये अवैध गौण खणीज १ ब्रास वाळू गिरणा नदी पात्रातून उत्खनन करुन चोरुन घेवून जात असांना गस्तीवर असलेल्या पथकास धक्का बुक्को करून वरिल वर्णनाचे वाहन पळून घेवून गेले माणून आरोपी  समाधान मोरे रा पिपळगाव.ता भडगाव  रितेश जयराम पाटील रा-कृष्णापुरी पाचोरा ता पाचोरा जि.जळगाव सोबत ४ ते ५ जणांविरुद्ध भडगाव पोलीस स्टेशनला गु.र.न.६७/२०२५ भारतीय न्याय संहिता २०२३ कलम
३२,३०३/२०१८९८१), १८१८(२),१९१/२)१९०,३५२,२२१ महाराष्ट्र जमिन महसूल अधिनियम कलम. ४८८७,४८ (८) प्रमाणे गुन्हा दाखल करण्यात आला असून पुढील तपास पो.कॉ.अल्पेश कुमावत हे करीत आहे.

याबाबत
जे दोन ट्रॅक्टर जमा करण्यात आलेले आहेत ते शासकीय आय. टी. आय भडगाव येथे जमा केले असून, 1 पळून गेलेल्या ट्रॅक्टर वर गुन्हा दाखल करण्यात आला आहे. यावेळी पथकात अनिल निकम, दिनेश येंडे, ज्ञानेश्वर काळे, राहुल माळी, शुभम चोपडा लोकेश वाघ उपस्थित होते.