कवी राधेशाम कंडारे यांना ‘शब्द प्रेरणा राज्यस्तरीय पुरस्कार’ जाहीर
ओझर (नाशिक) : बी. एस. एफ. बहुउद्देशीय संस्था व संत कबीर बहुउद्देशीय संस्था यांच्या संयुक्त विद्यमाने आयोजित ‘शब्दांच्या पलीकडे’ या पहिल्या राज्यस्तरीय काव्य संमेलनात कवी राधेशाम कंडारे यांना ‘शब्द प्रेरणा राज्यस्तरीय पुरस्कार’ जाहीर करण्यात आला आहे.
मराठी साहित्य, कविता आणि सामाजिक जाणिवांना प्रेरणा देणाऱ्या त्यांच्या साहित्यिक योगदानाची दखल घेत हा प्रतिष्ठेचा पुरस्कार प्रदान करण्यात येणार आहे. या गौरवाबद्दल साहित्यप्रेमी, मित्रपरिवार आणि विविध क्षेत्रातील मान्यवरांकडून त्यांच्यावर अभिनंदनाचा वर्षाव होत आहे.
हा पुरस्कार वितरण सोहळा रविवार, ३० ऑगस्ट २०२६ रोजी आपणीच पुस्तकांचं हॉटेल, ओझर (जि. नाशिक) येथे आयोजित करण्यात आला आहे. या कार्यक्रमाचे मुख्य आयोजक भूषण नितीन सरदारे आहेत.
या उल्लेखनीय यशाबद्दल कवी राधेशाम सुरेखा अशोक कंडारे यांचे सर्व स्तरांतून हार्दिक अभिनंदन करण्यात येत असून, त्यांच्या पुढील साहित्यिक वाटचालीस शुभेच्छा व्यक्त करण्यात येत आहेत.
