तरुणाला गावठी पिस्तूल, काडतुसांसह अटक

जळगाव : शंकरराव नगर परिसरात गावठी पिस्तूल आणि पाच जिवंत काडतुसांसह तरुणाला शनिपेठ पोलिसांनी अटक केली. स्वप्निल उर्फ गोलू धर्मराज ठाकूर (वय २२, रा. शंकरराव नगर) हा ७ ऑगस्ट रोजी रात्री परिसरात शस्त्रासह फिरत असल्याची माहिती पोलिस निरीक्षक कावेरी कमलाकर यांना मिळाली. त्यांच्या सूचनेनुसार पोउनि योगेश ढिकले यांच्या मार्गदर्शनाखाली पोहेकॉ शशिकांत पाटील, प्रदीप नन्नवरे, पोकॉ रवींद्र साबळे, नीलेश घुगे, नवजीत चौधरी यांनी कारवाई केली. पोलिसांना पाहताच पळून जाण्याचा प्रयत्न करणाऱ्या स्वप्निल ठाकूरला ताब्यात घेऊन गावठी कट्टा आणि काडतुसे जप्त करण्यात आली. या प्रकरणी शनिपेठ पोलिस ठाण्यात गुन्हा दाखल करून आरोपीला अटक करण्यात आली आहे.