“अयांश ऑटोमोबाईल्स”मुळे जळगावकरांना मिळणार उत्कृष्ट वाहन सेवा : अभिनेत्री सोनाली कुलकर्णी
अशोक लेलँडच्या अत्याधुनिक शोरूमचे जळगावात भव्य उद्घाटन
जळगाव (प्रतिनिधी) – जळगाव हे ऐतिहासिक, सांस्कृतिक आणि औद्योगिक दृष्ट्या प्रगत शहर असून आता या शहरात “अयांश ऑटोमोबाईल्स”च्या माध्यमातून जळगावकरांना उत्कृष्ट व विश्वासार्ह वाहन सेवा मिळेल, असा विश्वास प्रसिद्ध अभिनेत्री सोनाली कुलकर्णी यांनी व्यक्त केला. हिंदूजा समूहाच्या अशोक लेलँड कंपनीच्या अधिकृत सेल्स व सर्व्हिस पॉईंट म्हणून उभारण्यात आलेल्या या अत्याधुनिक लाईट कमर्शियल व्हेइकल्स शोरूमचे भव्य उद्घाटन गुरुवारी, ३० ऑक्टोबर रोजी दुपारी ३ वाजता त्यांच्या उपस्थितीत संपन्न झाले.
या सोहळ्याचे उद्घाटन अशोक लेलँड लिमिटेडचे एलसीव्ही प्रमुख विप्लव शाह यांच्या शुभहस्ते झाले. कार्यक्रमाचे प्रमुख आकर्षण म्हणून अभिनेत्री सोनाली कुलकर्णी यांनी शोरूमची पाहणी करत ‘अयांश’ उपक्रमाचे कौतुक केले. या वेळी आमदार राजूमामा भोळे, माजी जि.प. सदस्य प्रतापराव पाटील, सुनील मंत्री यांच्यासह अनेक मान्यवर उपस्थित होते.
अयांश ऑटोमोबाईल्सचे संचालक यश सुनील मंत्री यांनी प्रस्ताविक मनोगतात सांगितले की, एमआयडीसी परिसरातील रेमंड कंपनीच्या मागे असलेल्या E-8 ठिकाणी ग्राहकांना वाहन विक्री, सर्व्हिसिंग, ओरिजिनल सुटे भाग आणि विक्रीनंतरची सेवा अशा सर्व सुविधा एका छताखाली उपलब्ध राहतील. त्यामुळे ग्राहकांना नक्कीच समाधानकारक अनुभव मिळेल, असा विश्वास त्यांनी व्यक्त केला.
कार्यक्रमात अशोक लेलँड नागपूर येथील अधिकारी सुदीप चौहान, अभिषेक नाडकर्णी, हेमंत उपाध्याय, कैलास घुगे, किरण मोरे, शिवराम मालखेडकर आणि अजय सिंह यांचा सन्मान करण्यात आला. ग्राहकांच्या वतीने प्रशांत महालकर आणि शरद कुलकर्णी यांनी “अयांश”च्या सेवेबद्दल कृतज्ञता व्यक्त केली.
तीन भाग्यवान ग्राहकांना बंपर प्राईज देण्यात आले, तसेच काही ग्राहकांना नवीन वाहनांची डिलिव्हरी मान्यवरांच्या हस्ते करण्यात आली. आमदार राजूमामा भोळे आणि प्रतापराव पाटील यांनी मनोगतातून मंत्री परिवाराचे अभिनंदन करत, यश मंत्री हे तरुण, तडफदार आणि दूरदृष्टी असलेले उद्योजक असल्याचे गौरवोद्गार काढले.
अभिनेत्री सोनाली कुलकर्णी म्हणाल्या, “जळगावकरांकडून मला नेहमीच भरभरून प्रेम मिळते. अशोक लेलँडची वाहने मजबूत, विश्वासार्ह आणि सुरक्षेच्या दृष्टीने सर्वोत्तम आहेत. देशातील सुरक्षादल देखील या वाहनांवर विश्वास ठेवतात. यश मंत्री यांच्या प्रयत्नांमुळे जळगावकरांना उत्कृष्ट वाहनसेवा मिळणार आहे.”
अध्यक्षस्थानावरून विप्लव शाह यांनी सांगितले की, “धुळ्यानंतर आता जळगावातही अशोक लेलँडचे नवीन शोरूम सुरू झाले आहे. वाहन खरेदी, फायनान्स आणि किमती सर्वच बाबतीत परवडणाऱ्या असून, अशोक लेलँड हे विश्वासाचे प्रतिक आहे. आमचे ग्राहक दिवसातील ८ ते १२ तास वाहनात असतात; त्यामुळे आम्ही त्या वाहनाला त्यांचे दुसरे घर मानतो.”
कार्यक्रमाचे सूत्रसंचालन व आभारप्रदर्शन सरिता खाचणे यांनी केले. तुतारीच्या निनादात मान्यवरांचे स्वागत, फीत कापून व दीपप्रज्वलन करून उद्घाटन झाले. कार्यक्रमाला जळगावकरांनी उत्स्फूर्त प्रतिसाद दिला.
