महा पोलीस न्यूज । चेतन वाणी । सत्रासेन ते चोपडा जाणा-या रोडने दोन इसम मोटार सायकलवर गांजा या अंमली पदार्थाची वाहतुक करणार असलेबाबत खात्रीशीर टिप एलसीबीला मिळाली होती. टीम एलसीबीने नाकाबंदी करीत सापळा रचला असता दोघांना दुचाकीसह गांजाची वाहतूक करताना पकडण्यात आले. दोघांकडून अडीच लाखांचा मुद्देमाल हस्तगत करण्यात आला आहे.
स्थानिक गुन्हे शाखेचे पोलीस उपनिरीक्षक जितेंद्र वाल्टे हे चोपडा येथे असताना त्यांना गुप्त बातमीदारामार्फत बातमी मिळाली की, सत्रासेन ते चोपडा जाणारे रोडने एक इसम हा सुपर स्प्लेंडर मोटर सायकलद्वारे गांजा या अंमलीपदार्थाची वाहतुक करणार आहे. माहितीच्या आधारे एलसीबी पथकाने लासुर गांवी नाटेश्वर मंदिराजवळ जावुन सापळा रचला.
दोघांना केली अटक
मिळालेल्या बातमी प्रमाणे स्थानिक गुन्हे शाखेचे अधिकारी तसेच अंमलदार तसेच चोपडा ग्रामीण पो.स्ट प्रभारी अधिकारी पो.नि.मधुकर साळवे व अंमलदार यांनी एकत्रीत येवुन बातमीप्रमाणे सत्रासेन ते चोपडा जाणा-या रोडवर वाहनाची तपासणी करुन अवैध गांजा वाहतुक करणा-याचा शोध सुरू केला. मोटारसायकलवर दोघे आल्यावर त्यांचे नाव, गाव विचारले असता त्यांनी अविनाश साहेबराव ढिवरे वय-२६ रा-खोकरी पो.स्ट धवली, ता- वरला, जिल्हा बडवाणी, रोशन साहेबराव ढिवरे वय-३१ रा-खोकरी, पो.स्ट धवली, ता.वरला, जिल्हा बडवाणी असे सांगितले.
पावणे दोन लाखांचा गांजा जप्त
पोलिसांनी त्यांच्या ताब्यातुन १ लाख ७८ हजार ६४० रुपयांचा ८ किलो १२० ग्रॅम वजनाचा गांजा, ४० हजाराची मोटार सायकल क्रमांक एमपी-४६-एमव्ही-२९५१ तसेच १० हजारांचा मोबाईल हस्तगत करण्यात आला आहे. दोघांविरुध्द चोपडा ग्रामीण पो.स्टे ला CCTNS NO ०२५६/२०२५ NDPS अँक्ट २० (ब), २२ प्रमाणे गुन्हा दाखल करण्यात आला आहे.
यशस्वी कारवाई करणारे पथक
संपूर्ण कारवाई जळगाव पोलीस अधीक्षक डॉ. महेश्वर रेड्डी, अपर पोलीस अधीक्षक कविता नेरकर, उपविभागीय पोलीस अधिकारी अण्णासाहेब घोलप, चोपडा शहर पो.स्टे चार्ज चोपडा ग्रामिण पो.स्टे निरीक्षक मधुकर साळवे यांचे मार्गदर्शनाखाली स.पो.नि शेषराव नितनवरे नेम.चोपडा ग्रामिण पो.स्टे व पोउ.निरी.जितेंद्र वल्टे, पोह. दिपक माळी, पोह. रविंद्र पाटील, पोह. विलेश सोनवणे, पोकॉ.रावसाहेब पाटील, सर्व नेमणुक. स्था.गु.शा जळगांव तसेच चोपडा ग्रामिण पोलीस स्टेशनचे पोह.राकेश पाटील, पो.कॉ. मनेष गावीत, पोकॉ. प्रमोद पवार, पोकॉ. तिरुपती खांडेकर, पोकॉ किरण पारधी अशांनी केली आहे.
