महा पोलीस न्यूज । चेतन वाणी । बालाजी पेठ, भवानी पेठ, आणि बळीराम पेठ परिसरातील माहेश्वरी समाजातर्फे स्वातंत्र्यदिनानिमित्त ‘एक शाम देश के नाम’ या देशभक्तीपर जिल्हास्तरीय कार्यक्रमाचे आयोजन करण्यात आले. आदित्य फार्म येथे हा कार्यक्रम पार पडला, ज्यात सुमारे १ हजार समाजबांधव उपस्थित होते.
कार्यक्रमात विविध वयोगटांसाठी देशभक्तीवर आधारित स्पर्धा घेण्यात आल्या. यामध्ये ५ ते १० वयोगटातील मुलांसाठी फॅन्सी ड्रेस स्पर्धा, ५० वर्षांवरील वयोगटासाठी फॅन्सी ड्रेस स्पर्धा, समूहगीत गायन, जोडी नृत्य आणि समूहनृत्य स्पर्धांचा समावेश होता. या सर्व स्पर्धांमध्ये जवळपास २०० स्पर्धकांनी उत्साहात भाग घेतला.
विजयी स्पर्धकांना मेडल आणि ट्रॉफी देऊन गौरवण्यात आले. माजी महापौर माननीय नितीन लढ्ढा हे या कार्यक्रमाचे प्रमुख अतिथी म्हणून उपस्थित होते. कार्यक्रमाच्या आयोजनात आदित्य फार्म, निकम अँड लाठी असोसिएट्स, आणि सुप्रीम इंडस्ट्रीज यांनी मुख्य प्रायोजक म्हणून सहभाग घेतला.
यावेळी अध्यक्षीय भाषणात शिव लाठी यांनी सांगितले की, “हा कार्यक्रम केवळ मनोरंजनासाठी नसून, प्रत्येक व्यक्तीच्या मनात राष्ट्रभक्तीची भावना जागृत करणे हा त्यामागील मुख्य हेतू आहे.” कार्यक्रमाचे सूत्रसंचालन रूपाली लाहोटी आणि जयश्री लाठी यांनी केले.
जळगाव शहर सभा अध्यक्ष प्रमोद झंवर, सचिव रमण लाहोटी, बालाजी पेठ भवानी पेठ परिसर माहेश्वरी सभेचे अध्यक्ष शिव लाठी आणि सचिव संतोष समदाणी, तसेच प्रकल्प प्रमुख राधेश्याम सोमानी व योगिता दहाड यांच्यासह आनंद बिर्ला, सारिका मंडोरा, कैलास लाठी, योगेश दहाड, विशाल तापडिया, तुषार सोनी, मनीष सोनी, भिकचंद झंवर, हर्षल तापडिया, सुनील कासट आणि राजेश नवाल यांनी हा कार्यक्रम यशस्वी करण्यासाठी विशेष परिश्रम घेतले.
बक्षीस वितरणानंतर सामूहिक भोजनाने या कार्यक्रमाची सांगता झाली.
