Politics

बाळासाहेब ठाकरे यांच्या छायाचित्राच्या कथित अवमानप्रकरणी कारवाईची मागणी

मुक्ताईनगर तहसीलदार व पोलिस प्रशासनाला निवेदन; कारवाई न झाल्यास आंदोलनाचा इशारा

बाळासाहेब ठाकरे यांच्या छायाचित्राच्या कथित अवमानप्रकरणी कारवाईची मागणी

मुक्ताईनगर तहसीलदार व पोलिस प्रशासनाला निवेदन; कारवाई न झाल्यास आंदोलनाचा इशारा

मुक्ताईनगर, प्रतिनिधी : वंदनीय शिवसेनाप्रमुख बाळासाहेब ठाकरे यांच्या छायाचित्राचा १८ नोव्हेंबर रोजी कथित अवमान केल्याच्या प्रकाराचा निषेध करीत संबंधितांवर कायदेशीर कारवाई करण्याची मागणी शिवसेना (उद्धव बाळासाहेब ठाकरे) पक्षाच्या पदाधिकाऱ्यांनी केली आहे. यासंदर्भात तहसीलदार आणि मुक्ताईनगर पोलिस प्रशासनाला निवेदन देण्यात आले.

निवेदनात म्हटले आहे की, शिंदे गटाशी संबंधित महिला पदाधिकाऱ्यांनी बाळासाहेब ठाकरे यांच्या छायाचित्राबाबत केलेल्या कथित अवमानकारक कृत्यामुळे शिवसैनिकांच्या भावना दुखावल्या आहेत. राजकीय मतभेद असणे हा लोकशाहीचा भाग असला, तरी त्याच्या नावाखाली आदरणीय व्यक्तिमत्त्वांचा अवमान करणे किंवा सामाजिक तेढ निर्माण होईल असे वर्तन करणे योग्य नाही.

घटनेची सखोल चौकशी करण्याची मागणी

या प्रकरणाची सखोल चौकशी करून घटनेशी संबंधित व्हिडिओ, छायाचित्रे, सोशल मीडिया पोस्ट आणि अन्य उपलब्ध पुरावे तपासावेत. जाणीवपूर्वक अवमान झाल्याचे निष्पन्न झाल्यास लागू कायद्यानुसार संबंधितांवर कारवाई करावी, अशी मागणी निवेदनातून करण्यात आली आहे. तसेच भविष्यात अशा घटनांची पुनरावृत्ती होऊ नये आणि मुक्ताईनगर तालुक्यात शांतता व कायदा-सुव्यवस्था अबाधित राहावी, यासाठी प्रतिबंधात्मक उपाययोजना करण्याची मागणीही करण्यात आली.

प्रशासनाने कोणत्याही राजकीय दबावाला बळी न पडता निष्पक्ष चौकशी करून केलेल्या कार्यवाहीची माहिती लेखी स्वरूपात द्यावी, अशी भूमिका पदाधिकाऱ्यांनी मांडली. योग्य ती दखल न घेतल्यास लोकशाही मार्गाने तीव्र आंदोलन छेडण्याचा इशाराही निवेदनातून देण्यात आला आहे.

यावेळी शिवसेना (उद्धव बाळासाहेब ठाकरे) पक्षाचे तालुकाप्रमुख ॲड. राहुल अशोक पाटील, शहरप्रमुख मुकेश कदम, तालुका समन्वयक ॲड. देवेंद्र बोदडे, तालुका संघटक अक्षय पालवे, वसीम मंसुती, ॲड. अशोक बोदडे आदी उपस्थित होते.

 

Chetan Wani

पत्रकारिता क्षेत्रात गत १६ वर्षांपासून कार्यरत. शोध पत्रकारिता, क्राईम रिपोर्टींगचा १५ वर्षांचा प्रदीर्घ अनुभव. राजकारण, प्रशासन, क्रीडा, संस्कृती, उद्योग जगतातील विशेष लेखन. विविध दैनिक, मंत्रालय, माहिती व जनसंपर्क विभागातील पत्रकारितेचा अनुभव. लोकसभा, विधानसभा, मनपा निवडणूक काळात मीडिया मॅनेजमेंट. सोशल मीडिया मॅनेजमेंट, इमेज बिल्डिंग, मार्केटिंग, ब्रॅण्डिंग यासारख्या विविध क्षेत्राचा प्रदीर्घ अनुभव. संपर्क : 9823333119

Related Articles

Leave a Reply

Your email address will not be published. Required fields are marked *

Back to top button