मूडी येथे वाळूची अवैध वाहतूक करणारे दोन ट्रॅक्टर जप्त
अमळनेर पंकज शेटे Iतालुक्यातील मौजे मूडी शिवारात महसूल विभागाने केलेल्या कारवाईत वाळूची अवैध वाहतूक करणारे दोन ट्रॅक्टर पकडण्यात आले आहेत. हे दोन्ही ट्रॅक्टर वाळूसह (गौण खनिज) जप्त करून पुढील कारवाईसाठी अमळनेर येथील तहसील कार्यालयात जमा करण्यात आले आहेत.
आज (दिनांक) मौजे मूडी येथे अनधिकृतपणे गौण खनिज (वाळू) वाहतूक करणारे दोन ट्रॅक्टर आढळून आले. पथकाने तात्काळ हे ट्रॅक्टर पकडून जप्त केले. गौण खनिजासह (वाळूसह) हे दोन्ही ट्रॅक्टर नियमानुसार तहसिल कार्यालय, अमळनेर येथे जमा करण्यात आले आहेत.
सदर कारवाई तहसीलदार अमळनेर श्री. रुपेशकुमार सुराणा यांच्या नेतृत्वाखाली करण्यात आली. पथकात सुधीर पाटील (ग्राम महसूल अधिकारी, गडखांब), नरेंद्र धनराळे (मंडळ अधिकारी, अमळनेर) यांचा समावेश होता.
महसूल विभागाने अवैध गौण खनिज वाहतुकीवर कठोर कारवाई सुरू ठेवणार असल्याचे या निमित्ताने स्पष्ट केले आहे.
