महा पोलीस न्यूज । दि.३ जुलै २०२५ । जळगाव जिल्ह्यातील भडगांव पोलीस स्टेशनच्या हद्दीत मोटारसायकल चोरीच्या गुन्ह्यांमध्ये दोन सराईत गुन्हेगारांना स्थानिक गुन्हे शाखेच्या (एलसीबी) पथकाने अटक केली आहे. गोपनीय माहितीच्या आधारे रचलेल्या सापळ्यात पाचोरा शहरात ही कारवाई करण्यात आली. संशयितांनी भडगांव शहरात दोन ठिकाणांहून मोटारसायकली चोरी केल्याची कबुली दिली आहे. शेख इमरान शेख रफिक हा सराईत गुन्हेगार असून, त्याच्यावर धुळे जिल्ह्यात यापूर्वी घरफोडी, मालमत्तेविरुद्धचे गुन्हे आणि इतर गुन्हेगारी कृत्यांचे अनेक गुन्हे दाखल आहेत. त्याचा साथीदार शेख अकिल याच्यावरही गुन्हेगारी पार्श्वभूमी आहे.
मिळालेल्या माहितीनुसार, भडगांव पोलीस स्टेशन हद्दीत शेख इमरान शेख रफिक रा. ग्रीन पार्क कॉलनी भडगांव हा व त्याचे सोबत एक इसम हे मोटारसायकली चोरी करीत आहेत,अशी माहीती मिळाल्यावरुन स्थानिक गुन्हे शाखेचे पथक नेमण्यात आले होते. पथकाने दोन्ही संशयीत आरोपी हा पाचोरा शहरात येणार असल्याचे गोपनीय माहीती काढली व त्या अनुशंगाने सापळा रचून त्यास व त्याचे सोबत असलेल्या आरोपीला पथकाने सापळा रचून पकडले. दोघांना त्यांचे नाव गाव विचारले असता त्यांनी शेख इमरान शेख रफिक वय २४ ह.मु.ग्रीन पार्क कॉलनी, भडगांव रा.अंचिकानगर शंभर फुटी रोड धुळे ता.जि.धुळे, आणि शेख अकिल शेख शफिक वय २७ रा. जलाली मोहल्ला, भडगांव ता. भडगांव जि.जळगांव असे सांगितले.
दोन दुचाकी चोरीची दिली कबुली
दोघांची कसून चौकशी केली असता त्यांनी भडगांव शहरात विजय हॉटेलच्या समोरुन तसेच खोल गल्ली भडगांव येथे सलुनच्या दुकानासमोरुन अशा दोन ठिकाणांवरुन हिरो कंपनीची एक आणि बजाज कंपनीची एक अशा दोन मोटारसायकली चोरी केल्याचे सांगितले. त्याबाबत भडगांव पोलीस स्टेशनमधून त्याठिकाणी मोटारसायकल चोरीबाबत गुन्हे दाखल आहे अगर कसे बाबत माहीती घेतली असता दोन गुन्हे दाखल असलेबाबत माहीती मिळाली. तसेच आरोपींना अधिक विचारपुस केलीअसता आरोपी शेख इमरान शेख रफिक यांच्याकडे एक मोपेड दुचाकी मिळून आली. इमरान याच्यावर धुळे जिल्ह्यात विविध ठिकाणी घरफोडी व मालाविरुध्दचे गुन्हे दाखल आहेत बाबत माहीती मिळाली आहे.
या पथकाने केली कामगिरी
संपूर्ण कामगिरी पोलीस अधीक्षक डॉ.महेश्वर रेड्डी, अपर पोलीस अधीक्षक कविता नेरकर यांच्या मार्गदर्शनाखाली स्थानिक गुन्हे शाखेचे निरीक्षक संदीप पाटील यांच्या पथकातील पोलीस उपनिरीक्षक शेखर डोमाळे, हवालदार लक्ष्मण पाटील, संदिप पाटील, राहुल पाटील, जितेंद्र पाटील, भुषण पाटील अशांनी केली आहे.
