शासकीय रुग्णालयातून चोरीला गेलेली मोटरसायकल स्थानिक गुन्हे शाखेच्या तत्पर कारवाईने हस्तगत; आरोपी अटकेत
:शासकीय रुग्णालयातून चोरीला गेलेली मोटरसायकल स्थानिक गुन्हे शाखेच्या तत्पर कारवाईने हस्तगत; आरोपी अटकेत
जळगाव शहरातील शासकीय रुग्णालय परिसरातून चोरीला गेलेली हिरो एचएफ डिलक्स मोटरसायकल स्थानिक गुन्हे शाखेच्या (एलसीबी) तात्काळ कारवाईमुळे पुन्हा मालकाच्या ताब्यात आली आहे. या प्रकरणात एक आरोपी अटकेत असून, त्याचा साथीदार फरार आहे.
चोरीची घटना:
दिनांक 15 फेब्रुवारी 2025 रोजी, हनुमान नगर मेहरुण येथील रहिवासी सुरेश पंडित चव्हाण (वय 61) यांच्या मालकीची हिरो एचएफ डिलक्स मोटरसायकल (क्रमांक MH 19 CE 5768) शासकीय रुग्णालय, जळगाव येथून अज्ञात व्यक्तीने चोरी केली. या प्रकरणी सुरेश चव्हाण यांनी जिल्हा पेठ पोलीस स्टेशनमध्ये तक्रार दाखल केली होती.
एलसीबीची कारवाई:
तक्रारीनंतर, वरिष्ठ पोलीस निरीक्षक बबन आव्हाड यांना माहिती मिळाली की, सदरची चोरी रेकॉर्डवरील गुन्हेगार मोसिन शहा सिकंदर शहा (रा. फुकटपुरा, तांबापुरा) याने केली आहे. त्यानुसार, एलसीबीच्या पथकाने मोसिन शहा याला फुकटपुरा येथून ताब्यात घेतले. चौकशीदरम्यान, त्याने साथीदारासोबत मोटरसायकल चोरी केल्याची कबुली दिली आणि गुन्ह्यातील मोटरसायकल काढून दिली. मोटरसायकल जप्त करून मोसिन शहा याला पुढील कारवाईसाठी जिल्हा पेठ पोलीस स्टेशनच्या ताब्यात देण्यात आले आहे.
पोलिसांची प्रशंसनीय भूमिका:
ही कारवाई पोलीस अधीक्षक महेश्वरी रेड्डी, अपर पोलीस अधीक्षक अशोक नकाते, उपविभागीय पोलीस अधिकारी संदीप गावित यांच्या मार्गदर्शनाखाली वरिष्ठ पोलीस निरीक्षक बबन आव्हाड, पोलीस उपनिरीक्षक दत्तात्रय पोटे, सहाय्यक फौजदार अतुल वंजारी, रवी नरवाडे, राजेश मेढे, संजय हिवरकर, पोलीस हवालदार अक्रम शेख, विजय पाटील, प्रवीण भालेराव, हरिलाल पाटील, पोलीस चालक प्रमोद ठाकूर यांनी केली. सदर गुन्ह्याचा पुढील तपास जिल्हा पेठ पोलीस स्टेशनच्या महिला पोलीस हवालदार अनिता वाघमारे करीत आहेत. फरार साथीदाराचा शोध सुरू आहे, तो देखील रेकॉर्डवरील गुन्हेगार असल्याची माहिती आहे.
