महा पोलीस न्यूज । चेतन वाणी । मोटारसायकल चोरीच्या प्रकरणात जिल्हापेठ पोलिसांनी तात्काळ कारवाई करत मध्यप्रदेशातील संशयीत आरोपीला अटक केली आहे. या कारवाईत चोरीस गेलेली मोटारसायकलही हस्तगत करण्यात पोलिसांना यश आले आहे.
पोलिसांनी दिलेल्या माहितीनुसार, जिल्हापेठ पोलीस स्टेशनमध्ये CCTNS क्र. २५४/२०२५, भा.न्या.सं. कलम ३०३ (२) प्रमाणे मोटारसायकल चोरीचा गुन्हा दिनांक ३१ ऑगस्ट रोजी दाखल करण्यात आला होता. या गुन्ह्याचा तपास सुरू असताना गुन्हे शोध पथकाला गुप्त माहिती मिळाली की, मध्यप्रदेशातील विनेश चंपालाल बरडे (वय ३०, रा. अंजनगाव, ता. सेंधवा, जि. बडवाणी, मध्यप्रदेश, ह.मु. चिंचोली, ता. जळगाव) हा चोरीत सहभागी असून, तो डि मार्ट जवळ थांबलेला आहे.
सापळा रचून पकडले, दुचाकी हस्तगत
गुन्हे शोध पथकाने तत्काळ डि मार्ट परिसरात जावून संशयितास ताब्यात घेतले. चौकशीत त्यानेच चोरीची कबुली दिल्यानंतर पोलीस अंमलदार पो.ह. शरीफ रहिम शेख यांनी त्याला अटक केली. न्यायालयाकडून दोन दिवसांचा पोलीस कस्टडी रिमांड मिळवून त्याच्याकडून चोरीस गेलेली मोटारसायकल जप्त करण्यात आली आहे.
या पथकाने केली कामगिरी
संपूर्ण कामगिरी पोलीस अधीक्षक डॉ.महेश्वर रेड्डी, अपर पोलीस अधिक्षक अशोक नखाते, उपविभागीय पोलीस अधिकारी नितीन गणापुरे यांच्या मार्गदर्शनाखाली जिल्हापेठ पोलीस ठाण्याचे पोलीस निरीक्षक प्रदीप ठाकूर यांच्या पथकातील पो.ह. महेश महाजन, नरेश सोनवणे, शरीफ शेख, तेजस मराठे, अमीतकुमार मराठे, प्रशांत सैदाणे, विकास पहुरकर आणि प्रशांत लाड यांनी केली आहे.
