शरद पवार गटाच्य राष्ट्रवादीचे गॅस दरवाढ विरोधात रास्तारोको
जळगाव (प्रतिनिधी) घरगुती गॅस दरात केंद्र सरकारने दिनांक ८ एप्रिलपासून केलेल्या वाढीविरोधात आज, ९ एप्रिल रोजी राष्ट्रवादी काँग्रेस पार्टी (शरदचंद्र पवार गट)तर्फे आकाशवाणी चौकात तीव्र आंदोलन करण्यात आले. यावेळी रस्ता रोको करत केंद्र सरकारच्या धोरणांचा तीव्र निषेध नोंदवला.
गॅस दरवाढ ही सामान्य जनतेवर अन्यायकारक असल्याचे सांगत कार्यकर्त्यांनी ‘भीक लागलेल्या सरकारसाठी’ नागरिकांकडून भीक गोळा करून ती केंद्र सरकारला पाठवण्याचा इशारा दिला. यावेळी केंद्र सरकारविरोधात जोरदार घोषणा देण्यात आल्या. तसेच ‘केदारवाडी’ योजनेंतर्गत होणाऱ्या निर्णयाची त्वरीत रद्द करावी, अशी मागणीही यावेळी करण्यात आली.
या आंदोलनात राष्ट्रवादी काँग्रेस पार्टी (शरद पवार गट)चे जिल्हाध्यक्ष प्रमोद पाटील, महानगराध्यक्ष इजाज मलिक, प्रदेश चिटणीस नामदेव चौधरी, वायस महाजन, मंगला पाटील, माजी अध्यक्ष अशोक लाडवंजारी, युवक जिल्हाध्यक्ष उमेश पाटील, युवक महानगराध्यक्ष रिकु चौधरी, ओबीसी सेल अध्यक्ष अशोक पाटील, प्रतिभा शिरसाट, सुनील माळी, रिजवान खाटीक, ललिता रायगडे, मीनाक्षी शेजवडे, रमेश बहारे, गौरव वाणी, भाऊराव इंगळे, दीपक मराठे, राजू मोरे, किरण राजपूत, नामदेव वाघ, रहीम तडवी, ऐश्वर्या साळुंखे, मतीन सय्यद, फरान शेख, सतीश चव्हाण आणि इतर कार्यकर्त्यांचा समावेश होता.
या आंदोलनामुळे परिसरात काही काळ वाहतूक ठप्प झाली होती. पोलीस प्रशासनाने तत्काळ घटनास्थळी पोहोचून परिस्थिती नियंत्रणात आणली.
