अमळनेरकरांनो, यंदा ‘आपलाच परिसर, आपलीच दिवाळी!’; स्थानिक विक्रेत्यांकडूनच फटाके खरेदी करा
ऑनलाईन खरेदी टाळून गावातील व्यावसायिकांना आर्थिक बळ देण्याचे आवाहन; नवीन जागेत होलसेल दरात विविध फटाके उपलब्ध
अमळनेर I पंकज शेटे : दिवाळी हा आनंदाचा, उत्साहाचा आणि आपुलकी जपण्याचा सण आहे. या सणाच्या निमित्ताने बाजारपेठेत मोठ्या प्रमाणावर खरेदी केली जाते. मात्र, वाढत्या ऑनलाईन खरेदीमुळे स्थानिक व्यावसायिकांच्या व्यवसायावर परिणाम होत आहे. त्यामुळे यंदाच्या दिवाळीत अमळनेरकरांनी ऑनलाईन खरेदीला पर्याय म्हणून आपल्या गावातील फटाका विक्रेत्यांकडूनच खरेदी करावी आणि स्थानिक व्यापाराला बळ द्यावे, असे आवाहन सर्व फटाके होलसेल व किरकोळ विक्रेते संघटना, अमळनेर यांच्या वतीने करण्यात आले आहे.
‘आपलाच परिसर, आपलीच दिवाळी!’ या भावनेतून स्थानिक विक्रेत्यांना सहकार्य करण्याचे आवाहन संघटनेने केले आहे. आपल्या गावातील व्यावसायिक आणि बांधव सुख-दुःखाच्या प्रसंगी नेहमी मदतीला धावून येतात. गावातील नागरिकांच्या गरजा ओळखून स्थानिक व्यावसायिक विविध प्रकारच्या सेवा देत असतात. मात्र, ऑनलाईन कंपन्या आपल्या गावातील सामाजिक जीवनाचा भाग नसतात. त्यामुळे सणासुदीच्या काळात स्थानिक व्यावसायिकांकडून खरेदी केल्यास गावातील अर्थव्यवस्थेला हातभार लागेल आणि स्थानिक व्यवसाय टिकून राहण्यास मदत होईल, अशी भूमिका संघटनेने मांडली आहे.
नवीन आणि प्रशस्त जागेत फटाक्यांची दुकाने
अमळनेरमधील सर्व घाऊक व किरकोळ फटाका विक्रेत्यांची दुकाने आता स्वामीनारायण मंदिरामागे, ग्रामीण रुग्णालयासमोर असलेल्या नवीन आणि प्रशस्त जागेत स्थलांतरित झाली आहेत. एकाच ठिकाणी फटाक्यांची दुकाने उपलब्ध झाल्यामुळे ग्राहकांना खरेदीसाठी सोयीचे ठरणार आहे. यंदाच्या दिवाळीसाठी ग्राहकांना विविध प्रकारचे नवनवीन फटाके घाऊक दरात उपलब्ध करून देण्यात आले आहेत. त्यामुळे ग्राहकांना आपल्या आवडीनुसार फटाक्यांची निवड करता येणार आहे.
प्रत्येक खरेदीवर आकर्षक सवलत
दिवाळीच्या खरेदीसाठी ग्राहकांना आकर्षित करण्याच्या उद्देशाने विक्रेता संघटनेच्या वतीने विशेष बंपर ऑफर जाहीर करण्यात आली आहे. प्रत्येक खरेदीवर आकर्षक सवलत उपलब्ध करून देण्यात येत असल्याने ग्राहकांना या संधीचा लाभ घेता येणार आहे. नवीन जागेत विविध प्रकारचे फटाके आणि सवलतीच्या दरात खरेदीची संधी उपलब्ध करून देण्यात आल्याचे संघटनेने सांगितले.
स्थानिक बाजारपेठेला बळ देण्याचे आवाहन
दिवाळीच्या काळात होणारी खरेदी स्थानिक व्यावसायिकांकडून केल्यास त्याचा थेट फायदा गावातील व्यापारी वर्गाला होतो. स्थानिक बाजारपेठेतील आर्थिक उलाढाल वाढण्यास मदत होते, तसेच अनेक कुटुंबांच्या रोजगारालाही आधार मिळतो. त्यामुळे अमळनेरकरांनी यंदाच्या दिवाळीत स्थानिक विक्रेत्यांना प्राधान्य द्यावे, नवीन जागेतील फटाका विक्री केंद्राला आवर्जून भेट द्यावी आणि ‘आपलाच परिसर, आपलीच दिवाळी!’ ही संकल्पना प्रत्यक्षात आणावी, असे आवाहन सर्व फटाके होलसेल व किरकोळ विक्रेते संघटना, अमळनेर यांच्या वतीने करण्यात आले आहे.
फटाके खरेदीसाठी पत्ता : स्वामीनारायण मंदिरामागे, ग्रामीण रुग्णालयासमोर, अमळनेर.
