पुरनाड फाट्याजवळ डंपरने दुचाकीला नेले फरफटत;भीषण अपघातात अख्खं कुटुंब उध्वस्त

पुरनाड फाट्याजवळ डंपरने दुचाकीला नेले फरफटत;भीषण अपघातात अख्खं कुटुंब उध्वस्त

3 जण जागीच ठार तर आठ वर्षीय मुलगा गंभीर ; चालकाला अटक

मुक्ताईनगर सुभाष धाडे

मुक्ताईनगर तालुक्यातील पुरनाड फाट्याजवळ डंपरने दुचाकीला धडक देत फरफटत नेल्याने झालेल्या भीषण अपघातात दुचाकीवरील संपुर्ण कुटुंबच उध्वस्त झाल्याची घटना 26 रोजी दुपारी साडेबाराच्या सुमारास घडली.यावेळी संतप्त जमावाने डम्पर पेटवून दिला .

पुरनाड फाट्यावर महामार्गाचे काम चालु असुन मुरुम वाहतुक करणारे डंपर समोरुन येणाऱ्या मोटारसायकल क्र 2695 ला जोरदार धडक देत पुढील एक्सलला अडकलेल्या मोटारसाईकलला पन्नास-साठ फुटांपर्यंत फरफटत नेले. यामुळे दुचाकीवरील चौघांपैकी 3 जण जागीच ठार झाले तर एक सात-आठ वर्षिय लहान मुलगा गंभीर स्वरुपात जखमी झाले . यात पती पत्नी आणि रक मुलगी यात मयत झाली असून जखमी मुलाला मुक्ताईनगर उपजिल्हा रुग्णालयात दाखल करण्यात आले आहे.

सदर घटनेतील मयत हे मध्य प्रदेशातील बैतूल जिल्ह्यातील असुन ते जळगाव येथे कंपनीत कामाला आहे.आज नवरात्र निमित्ताने इच्छादेवी दर्शनासाठी गेले होते जळगाव येथे परतत असतांना पुरनाड फाट्याजवळ हा अपघात झाला.अपघाताची भीषणता एवढी होती कि, मयतांचे शरीराचे चिथडे रस्त्यावर फेकले गेले. दरम्यान मद्यधुंद डंपरचालकाला जमावाने चोप दिला.पोलीसांनी डंपरचालकास अटक केली आहे. घटनास्थळी फाॅरेन्सिक पथकास पाचारण करण्यात आले.दरम्यान संतप्त झालेल्या जमावाने डंपर पेटवून दिला. अद्याप मयतांबाबत अधिक माहीती मिळु शकली नाही.

सविस्तर थोड्याच वेळात …..