जागतिक हृदय दिनानिमित्त जोखीम स्तरीकरण शिबिर
१२० नागरिकांची हृदयविकाराच्या जोखमीसाठी तपासणी; निरोगी जीवनशैलीबाबत मार्गदर्शन
जळगाव : डॉ. उल्हास पाटील कॉलेज ऑफ फिजिओथेरपी, जळगाव येथील हृदय व श्वसन फिजिओथेरपी विभागातर्फे जागतिक हृदय दिन २०२६ निमित्त ‘जोखीम स्तरीकरण शिबिरा’चे आयोजन करण्यात आले.
यावर्षीच्या जागतिक हृदय दिनाची संकल्पना एकही क्षण चुकवू नका अशी होती.हृदयविकार संदर्भातील जोखीम घटकांबाबत नागरिकांमध्ये जनजागृती करणे, हृदय व रक्तवाहिन्यासंबंधी आजारांचे वेळीच निदान, प्रतिबंध आणि आरोग्यविषयक काळजीचे महत्त्व पटवून देणे, हा शिबिराचा मुख्य उद्देश होता. शिबिरात एकूण १२० सहभागींची हृदय व रक्तवाहिन्यासंबंधी आरोग्याच्या जोखमींसाठी तपासणी करण्यात आली.यावेळी सहभागीांना निरोगी जीवनशैली, संतुलित आहार, नियमित शारीरिक हालचाल, हृदयविकाराचे जोखीम घटक आणि प्रतिबंधात्मक आरोग्यसेवेबाबत मार्गदर्शन करण्यात आले.
तपासणीच्या निष्कर्षांनुसार सहभागीांना त्यांच्या आरोग्याच्या गरजेनुसार पुनर्वसनविषयक मार्गदर्शन तसेच आवश्यक आरोग्यविषयक शिफारसी देण्यात आल्या.हृदयाचे आरोग्य जपण्यासाठी नियमित तपासणी, योग्य आहार आणि शारीरिक सक्रियता यांचे महत्त्व या उपक्रमातून अधोरेखित झाले. शिबिराच्या यशस्वी आयोजनासाठी सहभागी, प्राध्यापक, विद्यार्थी आणि सहकार्य करणार्‍या सर्व सदस्यांचे विभागातर्फे आभार मानण्यात आले.
