मेहुनबारे पोलिसांची कारवाई
चाळीसगाव प्रतिनिधी I ;- तालुक्यातील दहिवद येथून चोरट्याने बकऱ्या चोरून नेल्याची घटना घडली होती याप्रकरणी या चोरीच्या बकऱ्या विकत घेणाऱ्या आरोपीला पोलिसांनी कोपरगाव तालुक्यातून अटक केली असून त्याच्याकडून चोरीच्या विकत घेतलेल्या अकरा बकऱ्या हस्तगत करण्यात आलेला आहेत. त्याच्याविरुद्ध मेहुनबारे पोलीस स्टेशनला गुन्हा दाखल करण्यात आला आहे. याबाबत सूत्रांची माहिती अशी की दहिवद तालुका चाळीसगाव येथील भाऊसाहेब पवार यांच्या 53 हजार रुपये किमतीच्या पाच बकऱ्या आणि प्रवीण पाटील खडकी सिम ता चाळीसगाव यांच्या 89 हजार रुपये किमतीच्या सहा अशा एकूण 11 बकऱ्या अज्ञात चोरट्याने चोरून नेल्याची घटना 13 डिसेंबर रोजी घडली होती. या प्रकरणी मेहुनबारे पोलिसात गुन्हा दाखल करण्यात आला होता.
जिल्हा पोलीस अधिक्षक डॉ. श्री महेश्वर रेडडी , अपर पोलीस अधिक्षक, श्रीमती कविता नेरकर व उपविभागीय पोलीस अधिकारी, राजेशसिंह चंदेल , यांनी सदर गुन्हयांचा सखोल तपास करून गुन्हे उघडकीस आणून चोरीस गेलेला मुद्देमाल हस्तगत करणेबाबत मार्गदर्शनपर सुचना दिल्या होत्या.
प्रभारी अधिकारी प्रविण दातरे, सहायक पोलीस निरीक्षक यांनी एक तपास पथक तयार केले होते. सदर पथकातील अधिकारी पोलीस उप-निरीक्षक सुहास आव्हाड व पोहेकों गोकूळ सोनवणे, सचिन निकम, शांताराम पवार विनोद बेलदार यांनी सदर गुन्हयाचा सखोल तांत्रीक तपास तसेच गोपनिय माहितीच्या आधारे गुन्हा उघडकीस आणून गुन्हयातील बकऱ्या चोरी करणारा मुख्य आरोपीचे नांव निष्पण्ण करून त्याच्याकडून बकऱ्या विकत घेणारा आरोपी हुसेन समशुभाई खाटीक, रा. हांडेवाडी फाटा. मंजूर, ता. कोपरगांव, जि. अहिल्यानगर यास ताब्यात घेतले.
त्याच्याकडे तपास केला असता त्याने सदरच्या बकऱ्या हया चोरीच्या असल्याचे माहिती असताना देखील कमी किंमतीमध्ये विकत घेतल्याची कबुली दिली . त्याच्याकडून सदरच्या बकऱ्या विक्री करून मिळालेली रोख रक्कम एकूण 84,000/- रूपये जप्त करण्यात आली आहे. तसेच यातील बकऱ्या चोरी करणारा मुख्य आरोपी हा फरार असून त्याचा शोध मेहूणबारे पोलीस स्टेशनकडून घेण्यात येत आहे.
नागरिकांनी रात्रीच्या वेळी सतर्क राहून आपले पशुधन चोरी होणार नाही यावावत योग्य ती दक्षता घ्यावी जेणेकरून शेतकऱ्यांचे नुकसान होणार नाही. तसेच परिसरात चोरीच्या घटनांबाबत कोणास काही माहिती असल्यास त्यांनी मेहूणबारे पोलीस स्टेशन येथे संपर्क साधावा. असे आवाज पुरुषांसाठी करण्यात आले आहे.
