तापी नदी पात्रातील अवैध वाळू वाहतुकीवर तहसीलदारांची धडक कारवाई; वाहन उलटले, सुदैवाने सर्व सुरक्षित
तापी नदी पात्रातील अवैध वाळू वाहतुकीवर तहसीलदारांची धडक कारवाई; वाहन उलटले, सुदैवाने सर्व सुरक्षित
यावल (प्रतिनिधी) – यावल तालुक्यातील तापी नदीच्या पात्रात बेकायदा वाळू वाहतूक रोखण्यासाठी यावलच्या तहसीलदार मोहनमाला नाझीरकर यांनी गुरुवारी आपल्या पथकासह धाडसी कारवाई केली. या कारवाईदरम्यान त्यांचे शासकीय वाहन उलटले, परंतु सुदैवाने कोणतीही जीवितहानी झाली नाही.वि
दगाव परिसरात अवैध वाळूने भरलेला ट्रॅक्टर वेगाने पळत असल्याचे निदर्शनास येताच तहसीलदार नाझीरकर यांनी पथकासह त्याचा पाठलाग केला. पाठलागात त्यांचे वाहन (MH 19 CV 0419) नदीच्या पात्रात उलटले. अपघातात तहसीलदार आणि पथकातील सर्व सदस्य थोडक्यात बचावले, मात्र वाहनाचे नुकसान झाले.
घटनेची माहिती मिळताच जळगावच्या उपविभागीय अधिकारी डॉ. उमा ढेकळे यांनी घटनास्थळी धाव घेत जेसीबीच्या साहाय्याने बचावकार्य सुरू केले. प्रशासनाच्या तत्परतेमुळे मोठा अनर्थ टळला, असे स्थानिकांनी सांगितले.या प्रकरणी ट्रॅक्टर चालक आणि संबंधितांविरुद्ध यावल पोलीस ठाण्यात गुन्हा दाखल करण्याची कार्यवाही सुरू आहे.
