भडगावात कामदा एकादशीला भव्य दिव्य श्रीरामांचा रथ उत्सव

भडगावात कामदा एकादशीला भव्य दिव्य श्रीरामांचा रथ उत्सव

श्रीरामांच्या रथ उत्सववाला 350 वर्षांची परंपरा

रथोत्सव नियोजन बैठक उत्साहात संपन्न

भडगाव – प्रतिनिधी

भडगाव शहराला 350 वर्षांची परंपरा असलेल्या प्रभू श्रीरामांचा रथोत्सव ८ एप्रिल (कामदा एकादशी) या दिवशी भव्य दिव्य असा रथ उत्सव निघणार आहे .याबाबत दि.२२ रोजी रात्री ८ वाजता श्रीराम मंदिर येथे नियोजन बैठक पार पडली. या बैठकीत प्रभू श्रीरामांचा रथ उत्सव चांगल्या उत्साहात निघणार असून पंचक्रोशीतील व जिल्हाभरातील श्रीराम भक्तांनी उपस्थित राहण्याचे आवाहन यावेळी करण्यात आले. कामदा एकादशीच्या दिवशी निघणारा रथावर प्रभू श्रीराम, सीतामाता, लक्ष्मण भैया, यांच्यासह अर्जुन, भालदार-चोपदार, दोन घोडे, अहिरम-बहिरम, बजरंग बली, रथाच्या मागे दोन माकडे व सजवलेला रथ सवाद्य निघणार आहे.ही मिरवणूक दुपारी ४ वाजता भडगाव शहरातील रथ मार्गे निघणार आहे. सर्व भाविकांनी उपस्थित राहण्याचे आवाहन करण्यात आले आहे.