विजेच्या धक्क्याने ९ वर्षीय मुलाचा मृत्यू
भडगाव तालुक्यातील कोठली येथील घटना
भडगाव प्रतिनिधी भडगाव तालुक्यातील कोठली येथील 9 वर्षीय मुलाचा विजेचा धक्का लागून दुर्दैवी मृत्यू झाल्याची घटना रविवारी ) उघडकीस आली आहे. या घटनेमुळे परिसरात हळहळ व्यक्त होत आहे.
मिळालेल्या प्राथमिक माहितीनुसार, कुणाल विलास भिल (वय 9, रा. कोठली, ता. भडगाव) हा युवक जनावरांसाठी चारा आणण्यासाठी शेतात गेला होता. यावेळी त्याला विजेचा धक्का लागल्याची प्राथमिक माहिती समोर आली आहे. गंभीर अवस्थेत त्याला भडगाव ग्रामीण रुग्णालयात दाखल करण्यात आले; मात्र वैद्यकीय अधिकाऱ्यांनी त्यास मृत घोषित केले.
या प्रकरणी भडगाव पोलीस ठाण्यात अकस्मात मृत्यू नोंद दाखल करण्यात आली असून पुढील तपास भडगाव पोलीस करत आहेत.अचानक घडलेल्या या दुर्दैवी घटनेमुळे कोठली गावासह परिसरात शोककळा पसरली आहे. तरुण वयातच काळाने घाला घातल्याने नातेवाईक व ग्रामस्थांमध्ये हळहळ व्यक्त होत आहे.मयत बालकाच्या पश्चात आजी बाबा, आई-वडील, दोन बहिणी असा परिवार आहे. कुणाल हा एकलूता एक असल्याने त्यांच्या अंत्यविधी वेळी सर्वांचेच डोळे पाणावले होते.
