शिंपी समाजाच्या ज्ञानज्योती आणि जीवन ज्योती पुरस्कार सोहळ्यात गुणवंतांचा गौरव
जळगाव: शिंपी समाजाच्या वतीने दिला जाणारा ज्ञानज्योती आणि जीवन ज्योती पुरस्कार वितरण सोहळा ३ सप्टेंबर रोजी श्रीराम शाळा, मेहरूण येथे संपन्न झाला. शिक्षण क्षेत्रात उत्कृष्ट यश मिळवणाऱ्या विद्यार्थ्यांचा यावेळी गौरव करण्यात आला.
जीवन ज्योती पुरस्कार हा कै. सुकलाल देवचंद शिरसाठे यांच्या स्मरणार्थ दरवर्षी नगरपालिका व जिल्हा परिषद शाळांमधील विद्यार्थ्यांना शालेय साहित्य वाटप करून दिला जातो. तसेच, कै. ललित भास्कर शिंपी यांच्या स्मरणार्थ चित्रकला साहित्य वाटप करण्यात आले.
ज्ञानज्योती पुरस्कार हा कै. शांताराम सुकलाल शिरसाठे यांच्या स्मरणार्थ शिंपी समाजातील शिक्षण क्षेत्रात विशेष प्रावीण्य मिळवणाऱ्या गुणवंत विद्यार्थ्यांना दिला जातो. हे या पुरस्काराचे २९ वे वर्ष होते.
२०२४ मधील गुणवंत विद्यार्थिनी दिपाली भूषण जगताप (डीएडमध्ये प्रावीण्य) आणि मानसी हेमंत खैरनार (दहावीत ८१.४०%) यांचा सत्कार करण्यात आला.
२०२५ मधील विद्यार्थी गौरव अविनाश शिंपी (दहावीत ९१.२०%), प्रतीक योगेश नेरपगार (बारावीत ७९.३३%), यशश्री अविनाश शिंपी (बारावीत ७७.६७%) आणि कोमल संजय शिंपी (बी.ई. सिव्हिल) यांचाही गौरव करण्यात आला. त्यांना ज्ञानज्योती स्मृतीचिन्ह आणि संत शिरोमणी नामदेव महाराज यांचे चरित्र देऊन सन्मानित करण्यात आले.
यावेळी कार्यक्रमाचे अध्यक्ष मुख्याध्यापक डी.डी. जोशी, प्रमुख अतिथी ढाके मॅडम, तायडे मॅडम आणि मीना शिरसाठे उपस्थित होत्या. कार्यक्रमाची सुरुवात दीपप्रज्वलन आणि सरस्वती पूजन करून करण्यात आली. आयोजक राकेश शिरसाठे यांनी प्रास्ताविक व सूत्रसंचालन केले. कार्यक्रमाच्या यशस्वीतेसाठी हेमंत खैरनार, गौरव शिरसाठे, योगेश नेरपगार, भूषण जगताप, साक्षी शिरसाठे, अविनाश शिंपी, अशोक खैरनार आणि इतरांनी सहकार्य केले. कार्यक्रमाची सांगता राष्ट्रगीताने झाली.
