महा पोलीस न्यूज । दि.२३ ऑगस्ट २०२५ । जळगाव महापालिकेत प्रशासकीय कामांना अधिक गती देण्यासाठी अधिकारी आणि कर्मचाऱ्यांची खांदेपालट करण्यात आली आहे. या बदल्यांबाबतचे आदेश महापालिका आयुक्तांनी काढले आहेत. यामध्ये आस्थापना विभाग, प्रभाग समित्या आणि इतर महत्त्वाच्या विभागांतील कर्मचाऱ्यांच्या जबाबदाऱ्यांमध्ये बदल करण्यात आला आहे.
आस्थापना विभागातील लिपिक रवींद्र जाधव यांची बदली प्रभाग समिती क्रमांक ३ मध्ये करण्यात आली असून, प्रभाग समिती क्रमांक ३ चे लिपिक समाधान घोडके यांना आस्थापना विभागात नेमण्यात आले आहे. याचप्रमाणे, आस्थापना विभागातील लिपिक अर्जुन सोनार यांची बदली प्रभाग समिती क्रमांक ४ मध्ये तर प्रभाग समिती क्रमांक ४ चे प्रसाद पवार यांना आस्थापना विभागात पाठवण्यात आले आहे. प्रभाग समिती क्रमांक ३ चे लिपिक राहुल सुशिर यांची बदली महिला बालकल्याण विभागात झाली असून, त्यांच्याकडे जन्म-मृत्यू विभागाचा अतिरिक्त कार्यभार सोपवण्यात आला आहे.
महिला बालकल्याण विभागाच्या प्रणाली दुसाने यांची बदली प्रभाग समिती क्रमांक ३ मध्ये झाली आहे. आस्थापना विभागातील लिपिक किशोर विसावे यांना प्रभाग समिती क्रमांक २ मध्ये पाठवण्यात आले असून, प्रभाग समिती क्रमांक २ चे लिपिक दिलीप चौधरी यांची बदली आस्थापना विभागात करण्यात आली आहे. तसेच, नगररचना विभागातील इंदूबाई भापकर यांना ई-गव्हर्नन्स विभागात पाठवण्यात आले आहे.
एका दुसऱ्या आदेशानुसार, जनसंपर्क अधिकारी आणि महिला बालकल्याण विभागातील महेंद्र पाटील यांच्याकडे आता वरिष्ठ लिपिक, जन्म-मृत्यू नोंदणी विभाग आणि विवाह नोंदणी कार्यालयाचा पदभार सोपवण्यात आला आहे. यासह, प्रकल्प विभागातील प्रदीप निंबाळकर यांची बदली जन्म-मृत्यू विभागात करण्यात आली आहे. या बदल्यांमुळे महापालिकेच्या कामकाजात अधिक सुसूत्रता येईल, अशी अपेक्षा व्यक्त केली जात आहे.
