महा पोलीस न्यूज । चेतन वाणी । जळगाव जिल्हा स्थानिक गुन्हे शाखेच्या पथकाने मोठी कामगिरी केली असून एकाच दिवसात ४ गंभीर गुन्हे उघडकीस आणले आहे. चाळीसगाव येथील खून, रिक्षा चोरी, पाचोरा दुचाकी चोरी, साकेगाव ट्रॅक्टर चोरी, सिगारेट चोरी आणि भुसावळ येथील दुचाकी चोरीचे प्रकरण एलसीबीने उघड केले आहे. जळगाव जिल्हा पोलीस अधीक्षक डॉ.महेश्वर रेड्डी यांनी पत्रकार परिषद घेऊन याबाबत माहिती दिली आहे.
चोरीच्या ५ रिक्षा हस्तगत
जळगाव स्थानिक गुन्हे शाखेचे पोलीस निरीक्षक संदीप पाटील यांच्या पथकातील पोउनि शरद बागल, पोउनि सोपान गोरे, सफौ अतुल वंजारी, पोहेकॉ सुनिल दामोदरे, अक्रम शेख, नितीन बाविस्कर, प्रविण भालेराव, विजय पाटील, पोकॉ किशोर पाटील, रविंद्र कापडणे, चापोकॉ महेश सोमवंशी यांनी रिक्षा चोरीचा गुन्हा उघडकीस आणला आहे. चाळीसगाव शहर पो.स्टे. आणि नाशिक रोड पो.स्टे.ला दाखल गुन्ह्यात चोरी करणारे संशयीत आरोपी सादिक अली सैय्यद अली वय ४० मुळ रा.पिंप्राळा हुडको, १२० खोल्या अली मशिद जवळ, जळगाव ता.जि.जळगाव ह.मु. अक्सा नगर, मेडीकल जवळ, वरणगाव ता.भुसावळ जि. जळगाव व विधी संघर्ष बालक पिंप्राळा हुडको परिसरात असल्याची गोपनीय माहिती मिळाल्याने पथकाला मिळाली होती. पथकाने चौकशी केली असता त्यांचेकडे वरील गुन्हयांतील २ प्रवासी रिक्षा जप्त करण्यात आलेल्या आहे. तसेच पिंप्राळा हुडको, जळगाव परिसरात वेगवेगळे चेसिस नंबर, इंजिन नंबर व आरटीओ नंबरच्या ३ प्रवासी रिक्षा वापरत असल्याची माहिती मिळाल्याने त्या रिक्षा बाबत खात्री केली असता सदर रिक्षाचे कोणते कागदपत्र नसुन त्यांचे इंजिन नंबर, चेसिस नंबर व आरटीओ नंबर वेगवेगळे असल्याचे निष्पन्न झाल्याने त्यादेखील हस्तगत केल्या आहेत.
रात्री गस्तीत पकडले चोरीचे ट्रॅक्टर
भुसावळ तालुका पो.स्टे.ला टॅक्टर चोरी झाल्याबाबत दि.१ जुलै रोजी गुन्हा दाखल झाला होता. त्याप्रमाणे गुन्हयांतील अज्ञात आरोपीताचा एलसीबीच्या पथकातील श्रेपोउनि रवि नरवाडे, पोहेकॉ गोपाळ गव्हाळे, पोहेकॉ संदीप चव्हाण यांचे पथक हे रात्रगस्त पेट्रोलींग करीत फिरतांना त्याचा शोध घेत होते. त्यांना पेट्रोंलींग दरम्यान एक इसम एक निळया रंगाचे टॅक्टर घेवून जातांना दिसल्याने पथकातील पोलीस अधिकारी व अंमलदार यांना संशय आल्याने त्यांचे जवळ जावून त्यास टॅक्टर बाबत विचारपुस करता त्याने कळविले की, मी सदरचे टॅक्टर साकेगाव ता. भुसावळ येथून चोरी केले असून ते विक्री करण्यासाठी घेवून जात असल्याचे सांगितल्याने पथकात अंमलदार यांनी त्याचे नाव गाव विचारता त्याने त्याचे नाव अनिकेत संतोष पाटील रा.साकेगाव ग्राम पंचायत जवळ, ता.भुसावळ असे सांगितले. पथकाने त्याच्या ताब्यात मिळून आलेले टॅक्टर जप्त केले आहे.
धुळ्याचे अट्टल चोरटे जाळ्यात
एलसीबीच्या पथकातील पोउनि शेखर डोमाळे, पोहेकॉ संदीप पाटील, पोहेकॉ लक्ष्मण पाटील, पोना राहुल पाटील, पोकॉ जितेंद्र पाटील, पोकॉ भुषण पाटील यांनी भडगाव शहरात राहणारा शेख इमरान शेख रफिक हा मोटार सायकली चोरी करीत असल्याची माहिती मिळाल्याने त्याचा पथकातील पोलीस अंमलदार यांनी शोध घेवून त्यांस विचारपुस केली. त्याने साथीदार शेख अकिल शेख रफिक वय २७ रा.जलालली मोहल्ला, भडगाव याच्यासह भडगाव शहरातुन २ मोटार सायकल व १ मोटार सायकल धुळे येथून चोरी केल्याचे कबुली देवून त्या काढून दिल्या आहे. पथकाने भडगाव पो.स्टे.ला दाखल २ गुन्हे उघडकिस आणलेले आहेत. गुन्हयांत अटक करण्यात आलेला आरोपी शेख इमरान शेख रफिक रा. भडगाव ता.भडगाव यांचेवर यापुर्वी १ खुनाचा गुन्हा, १ खुनाचा प्रयत्न व ४ घरफोडीचे गुन्हे दाखल आहेत.
चोरीची दुचाकी हस्तगत
वरणगाव पो.स्टे.ला मोटार सायकल चोरी झाल्याबाबत गुन्हा दाखल होता. एलसीबीच्या पथकातील श्रेपोउनि रवी नरवाडे, पोहेकॉ गोपाळ गव्हाळे, पोहेकॉ संदीप चव्हाण यांना गुन्हयांतील आरोपीबाबत गुप्त बातमीदारामार्फत बातमी मिळाली की, भुसावळ शहरातील समीर शेख अयुब शेख रा.मुस्लीम कॉलनी, भुसावळ याचे कडेस चोरीची मोटार सायकल आहे. पथकातील पोलीस अंमलदार यांनी संशयीत याचे घरी जावून शोध घेतला असता समीर शेख अयुब शेख रा.मुस्लीम कॉलनी, भुसावळ हा मिळून आला व त्यांचे घरासमोरील गुन्हयांतील चोरीची मोटार सायकल मिळून आल्याने ती वरील गुन्हयांत जप्त करुन आरोपीस ताब्यात घेण्यात आले आहे.
सिगारेट चोरट्यांच्या मुसक्या आवळल्या
दि.२७ जून रोजी रात्री जळगाव शहरातील गोंविदा रिक्षा स्टॉप येथे उभ्या असलेल्या महेंद्र पिकअप वाहनाचे दरवाजाचे कुलूप व कोंडा तोडून सदर वाहनातील एकूण ४ लाख २ हजार ७५ रुपये किंमतीच्या सिगारेट चोरी झाल्याने जळगाव शहर पो.स्टे.ला गुन्हा दाखल आहे. एलसीबीच्या पथकातील पोउनि.शरद बागल, पोहेकॉ प्रविण भालेराव, पोहेकॉ मुरलीधर धनगर, पोहेकॉ सिध्देश्वर डापकर, चापोकॉ महेश सोमवंशी यांनी गुन्हयांच्या घटनास्थळावर असलेल्या सीसीटीव्ही कॅमेऱ्याचे फुटेज व तांत्रिक विश्लेषणावरुन प्राप्त माहितीवरून संशयीत सागर राजु घोडके वय २८ रा.विदयानगर झोपडपट्टी जवळ चिंचवड, पुणे याचा सहभाग असल्याचे निष्पन्न केले. तांत्रीक विश्लेषणावरुन सांगवी पोलीस स्टेशन, पिंपरी चिंचवड, पुणे असा पाठलाग करत जावून त्यास पुणे येथून ताब्यात घेवून त्यास गुन्हयांतील चोरी झाल्याबाबत व त्याचे साथीदाराबाबत विचारपुस करता त्यांने कळविले की, त्याचे सोबत अभिजित ऊर्फ कुबडया तुळशिदास विटकर वय २५ रा.रामनगर बापकर चाळ चिंचवड, पुणे, काशिद अलिमुद्दीन अन्सारी वय २३ रा.विदयानगर इ गोपडपट्टी जवळ चिंचवड, पुणे, आकाश ऊर्फ बंटी भवारसिंग राजपुत वय २३ रा.विदयानगर झोपडपट्टी जवळ, चिंचवड, पुणे अशांनी चोरी केली असून आम्ही सिगारेट रस्त्याने स्थानिक नागरिकांना विक्री केल्या आहे. त्यावेळी त्यांची अंगझडती घेतली असता त्यांचे अंगझडती चोरीच्या सिगारेट विक्री केल्याचे एकूण ३ लाख रुपये रोख मिळून आल्याने ते गुन्हयांकामी जप्त करण्यात आलेले आहे.
चोरीचे ट्रॅक्टर पकडले
अमळनेर पो.स्टे.ला ट्रॅक्टर चोरीचा गुन्हा दाखल आहे. अमळनेर ते जळगाव नेरी नाका स्मशानभूमीपावेतो विविध ठिकाणचे सीसीटीव्ही फुटेज चेक करत अज्ञात आरोपी चोरी झालेल्या टॅक्टरचा एलसीबीच्या पथकातील पोउनि.जितेंद्र वल्टे, पोहेकॉ संदीप पाटील, पोहेकॉ प्रविण मांडोळे, पोहेकॉ हरिलाल पाटील, पोकॉ राहुल कोळी यांच्या पथकाने शोध घेतला. अज्ञात आरोपीने चोरी केलेले टॅक्टर हे जळगाव शहरात नेरी नाका स्मशान भूमीजवळ सोडून दिल्याने वरील पथकाने टॅक्टर गुन्हयांकामी जप्त केले आहे. अज्ञात आरोपीतांचा शोध घेणे चालु आहे.
३ दिवसात ९ वाहन चोरीचे गुन्हे उघड
स्थानिक गुन्हे शाखा, जळगाव पथकाने गेल्या ३ दिवसात ९ वाहन चोरी व इतर चोरीचे गुन्हे उघडकिस आणून एकूण १३ लाखांचा मुद्देमाल हस्तगत केलेला आहे. संपूर्ण कामगिरी पोलीस अधीक्षक डॉ.महेश्वर रेड्डी, अपर पोलीस अधीक्षक कविता नेरकर, अशोक नखाते, उपविभागीय पोलीस अधिकारी जळगाव संदीप गावीत यांच्या मार्गदर्शनाखाली स्थानिक गुन्हे शाखा, जळगाव यांच्या पथकांनी केली आहे.
