महा पोलीस न्यूज | १४ जुलै २०२४ | चोपडा तालुक्यातील लासुर गावाचे हद्दीत उत्तमनगर ते लासुर रोडवर इसम एक तरुण गावठी कट्टा बाळगून असल्याच्या माहितीवरून चोपडा ग्रामीण पोलिसांनी एकाच्या मुसक्या आवळल्या आहेत. आकाश गोरखनाथ सोनवणे रा.रिधुर ता.जि.जळगांव असे अटकेतील संशयिताचे नाव आहे.
मिळालेल्या माहितीनुसार, चोपडा ग्रामीण पोलीस ठाण्याचे सपोनि शेषराव नितनवरे यांना गुप्तबातमीद्वारे मार्फत बातमी मिळाली की, दि.१३ रोजी दुपारच्या सुमारास लासुर गावाचे हद्दीत उत्तमनगर ते लासुर रोडवर आकाश गोरखनाथ सोनवणे रा.रिधुर ता.जि.जळगांव हा त्याचे ताब्यातील १ गावठी अग्निशस्त्र कट्टा (पिस्टल) हे प्राणघातक अग्निशस्त्र असल्याचे माहित असतांना विनापरवाना बेकायदेशीर आपले कब्जात बाळगुन वाहतुक करुन घेवुन जात आहे.
खात्रिशिर बातमी मिळल्याने सदर इसमांस ताब्यात घेणेकामी सपोनि नितनवरे यांच्यासंह पोहेकॉ राकेश पाटील, रावसाहेब पाटील, चेतन महाजन, अभिषेक सोनवणे, विशाल पाटील असे खाजगी वाहनाने रवाना होऊन त्यास लासुर ते उत्तमनगर गावी ताब्यात घेतले. पंचासमक्ष त्याची अंगझडती घेतली असता त्याच्या ताब्यात एक गावठी बनावटीचा (कट्टा) पिस्टल व हिरो होडा कंपनीची दुचाकी गाडी मिळुन आली आहे.
याप्रकरणी भा.ह.कायदा कलम ३/२५, ७/२५ प्रमाणे रावसाहेब पाटील यांनी फिर्याद दिले वरुन गुन्हा दाखल करम्यात आला आहे. गुन्हयांचा पुढील तपास सपोनि शेषराव नितनवरे व किरण पारधी हे करीत आहेत.
